藝人鄭俊弘(Fred)與何雁詩(Stephanie)今日(7日)在沙田一酒店的戶外園林草地舉行結婚儀式。是次Fred迎娶Stephanie，做足接新娘儀式。Fred早有心理準備接受被姊妹團盡玩，當Fred宣讀愛的宣言時忍不住眼濕濕，讓Stephanie都意料不及。
一對新人於儀式完後受訪。Stephanie說:「我以為自己眼淺，想不到佢眼淺過我，睇住佢講愛的宣言都估唔到佢會喊。」她又自爆鄭俊弘愛的宣言由她親自撰寫，亦是姊妹團的安排。當聽到Fred宣讀時會心微笑又感動，「有啲感動、有啲搞笑，其實最主要係互相廝守，同埋佢長命過我。」至於Fred亦稱沒想到自己那這麼快便哭，「真是有啲感動位，玩遊戲已經想眼濕濕。」Stephanie寫愛的宣言，那麼老公宣讀豈不沒驚喜？她說：「無喎!佢演繹得好好，再加上他的眼淚，該俾個飯盒俾佢㖭！」
本來天文台預計今日打風，Fred稱幸天公造美，過程順利。提到Fred接新娘時用了8位數很豪爽，他搞笑說是鏡頭效果：「但實際個數都好得體。」而二人行禮寫愛的宣言則各有各寫，留待行禮宣讀。
Stephanie行頭十足，除滿身金器，手上的大鑽戒格外耀眼。Fred說：「求婚時已送了俾佢，剛才亦都送咗鑽戒畀佢。」Stephanie亦說好開心，更言當日過完大禮之後大家就互相加入對方的家庭，因為雙方家人看見他們的起起起跌跌，目前已改口叫奶奶了。至於造人大計，Fred說：「大妗姐啲說話好好聽，話生5仔2女，不過呢啲冇咁快，遲啲才計劃。」Stephanie打趣說：「我都唔知有無咁犀利，可以生到5男2女。」
而接下來10號便是Fred生日，但他那天要開工，但知道老婆已做了安排。何雁詩笑言覺得為老公安排生日飯比他們辦婚禮還要忙。此外，因疫情關係新人晚宴在一間西餐廳舉行約70人私人派對。
（點新聞記者陳惠芳報道）
收藏
取消收藏
分享
