點新聞 ｜ 每日點新聞 點解香港事

菊梓喬(Hana)今日（14日）到新城電台接受訪問，並為劇集《刑偵日記》片尾歌《不相信別人》宣傳，有份演出的她預告自己將會在第14集出現。

Hana表示之前都是客串演出，今次才算首次正式演出劇集，當時拍了四個月，覺得好好玩。問到劇中角色可有精神分裂？她笑說：「角色冇精神分裂，冇癡線，我個角色好冷靜但內心有啲嘢，大家睇下就知，(劇集收視又再下跌，有何挽救方法？)自己只係小角色冇能力，但覺得有紅姐(惠英紅)、(王)浩信、黑哥（姜皓文）已經好好睇。」Hana又稱之後都想再拍劇，希望演一些誇張及要打的角色，因她學打泰拳時，師傅都說她身形嬌小，打起來很好睇，笑言《拳王》應找她演出。

提到跟她同公司的谷婭溦日前在家庭醫學中心打科興疫苗，意外發現自己被「打空針」，一度要送入醫院檢查，現已出院。Hana聞言很大反應説：「咁大件事呀？點解會咁嘅？希望佢冇事。」 她又認為事件太危險一定要追究。她表示自己之前接種完第二針疫苗的時候，頭痛了一個月，之後要去睇中醫才沒事，而接種完第一針後就好眼瞓。

近日疫情緩和，問到Hana可有開騷計劃？她透露公司何生表示會為她申請明年在紅館開騷，現等他好消息。

（點新聞記者梁靜儀報道）