郭富城（城城）、任賢齊（小齊)、林家棟、張可頤、胡定欣、孫佳君、林雪、ANSONBEAN（陳毅燊）、曾彼特（Mike）及監製爾冬陞等，今日（20日）在葵涌貨櫃碼頭拍攝電影《臨時械劫》。
戲中城城、小齊和林家棟飾演劫匪，今日三人上演一場開槍戲，而三人的造型更前所未見的突破，其中城城更有一對幾可亂真的「摔跤耳」，小齊則戴了假髮儼如中年阿叔，而家棟一身的士司機造型。
小齊透露目前已拍得七七八八，還有一場槍戰煞科戲便完成，預計聖誕後仍要繼續拍攝。近日天氣突然轉冷，城城坦言因戲服較薄，又要露出心口，故拍攝時有點辛苦。談到他的造型，城城透露其中會戴上假耳朵及假哨牙，他笑說：「每次開工前都要花一個鐘做特技化妝，要戴上『摔跤耳』同假哨牙，因為套上哨牙關係，有時講嘢太激動或者動作太大啲牙就會飛出嚟，好多時因為咁要NG，我哋又覺得幾好笑。」小齊因在另一套電影中要剃光頭，所以要戴上假髮拍攝，但他就覺得很好玩。
影片開拍初期曾拉隊到廟街拍攝槍戰及撞車戲，因此要封街一星期進行拍攝，城城表示在廟街拍戲很難忘，因他在香港生活多年，都未試過在廟街內封街拍戲，他很多謝相關部門協助，還有街坊沒有作出投訴。提到早前拍攝他被曾彼特（Mike）踢到的戲份，城城解釋其實是他摔低對方，並強調自己完全沒有受傷，又笑言自己在戲中雖然經常打人及殺人，但心地善良，只是想法偏激，這亦是一部以動作包裝的黑色幽默電影。
談到兩人首次在電影上合作，城城表示認識小齊廿多年，還是首次合作拍電影，他大讚小齊是一個相當有喜感的演員，大家合作很有火花。小齊亦指跟城城合作有驚喜，而城城拍戲時亦很認真，試過對戲時，城城戴上假哨牙行出來，都怕他說到激動時不小心會噴了出來。他謂，還有家棟，大家都很投入拍攝，目的就是想拍出有港產味的電影。
另外，城城將於大除夕夜於中環海濱演出倒數騷，問他可有時間排練？他說：「其實有啲戲份只有小齊同家棟，我就可以抽時間去排舞，我對上一次喺舞台上唱歌，已經係舊年喺尖沙咀海旁出席慈善抗疫騷，所以再有機會排舞感覺好興奮。」
對於當晚人氣男團MIRROR亦在對岸出席旅發局的倒數騷，有人認為兩邊打對台？城城則不認同這說法：「大節日最重要係大家表演上令到觀眾睇得開心，唔係話打對台，喺香港應該要有啲新歌手同支持佢哋嘅fans，大家應同心合力做好個騷，一齊享受呢個節日為大前提。」
另外，近日台灣歌手王力宏和太太李靚蕾離婚，兩人隔空互數對方不是，小齊被問到跟王力宏是否相熟時，他就避談說:「唔好講呢啲。」而城城就稱還是講回電影，之後工作人員便帶走他們。
張可頤與胡定欣相隔多年再度碰頭，但二人在戲中卻未有對手戲，飾演警察的可頤表示其戲份主要與城城、小齊和家棟三個大賊。原來這次亦是她入行以來首次演警察和第一次拍槍戰，她笑說:「我畀咗好多第一次呢部戲，我入行以來有兩樣最驚，好怕燒炮仗同開槍，每次都會腳軟，仲會講唔到對白，所以今次係走出舒適圈既一個大突破，而家仲有少少鍾意咗。」她續稱幸好今次拍揸槍時不用講對白，但都都花了很多時間練習中槍反應，笑言自己不像城城那麼勁，可以邊開槍邊講對白，像「鐵幕誘惑」般有型。
至於定欣就飾演家棟太太，並且懷有8個月身孕，她笑謂從未演過那麼窮的角色，戲中她與家棟和奶奶鮑姐（鮑起靜）屈在一間寮屋生活，因鮑姐就愛拾荒，她們更會有婆媳大戰。她謂今次跟鮑姐合作，感覺跟二人上次劇集合作很不同，但是開心和有趣，而和家棟雖然首次合作，但定欣覺得對方有種很親切的感覺，拍攝時也很信任和照顧她，尤其這套是喜劇，拍檔的提點很重要，希望再有機會跟對方合作。
（點新聞記者梁靜儀報道）
收藏
取消收藏
分享
