（有片）張敬軒演唱會霆鋒現身支持　馮允謙做嘉賓睇「越南文」

THE NEXT 20張敬軒演唱會進入第六場，除謝霆鋒現身支持之外，軒仔請來馮允謙Jay來擔任嘉賓。Jay一出場，全場觀眾吶喊歡呼，甚受歡迎。  

由於Jay是「鬼仔」不懂中文，和軒仔合唱「他的故事」時，大會的提詞機打出一串由他自行拼音的英文歌詞，這串拼音夾雜廣東話及英文拼音，只有Jay才看得懂。軒仔台上問道，「點解今晚提詞機會出一串越南文？我望埋去唔知係乜？」然後更叫大會攝影機，影住那些串字，叫Jay讀出來給觀眾聽，全場爆笑。

軒仔又謂，Jay一直給他一種好謙厚、謙卑、經常充滿陽光笑容的感覺，這位朋友的聲音，是香港樂壇中他最喜愛的聲音，自己人生當中曾經要人急救，無論監製、錄音他都二話不說即刻趕到，兩脇插刀，是一個難得的好朋友。

Jay十分有心，自製一張自己即將七月開的演唱會飛送給軒仔，他說，「七月我會開演唱會，但我啲飛未印到出嚟，所以我自己做咗張，呢張飛係七月二、三、四、五都可以用，你鍾意可以來睇曬！」軒仔就笑言，「而家啲後輩，點解咁鍾意整啲紙製品俾長輩！仲要係七月！哈哈，算啦，佢係鬼仔，佢唔識呢啲嘢，好多謝你，你演唱會我一定會嚟！」

開騷一星期，場場當尾場的軒仔，昨晚又再一次破紀錄，被歌迷熱情感動，一共安歌了五次。防疫措施於19日開始進一步放寬，大會再次努力向紅館商議及爭取 ，最終於5月19日再一次可以把限量最後八場門券公開發售。

（點新聞記者陳惠芳報道）