點新聞 ｜ 每日點新聞 點解香港事

王祖藍主持《有個閨蜜叫祖藍》，第二集嘉賓胡杏兒談到「最差一次接吻戲經驗」時，杏兒自爆最差一次是拍完後嘔吐大作。

杏兒說：「我記得係拍《當狗愛上貓》，嗰場戲其實冇乜嘢，但我唔知係咪個胃唔舒服定點，錫完之後我當場嘔。」之後，談到最不滿意一套劇集時，杏兒直認「好多都唔滿意」。她說：「我最唔滿意《衝上雲霄》，因為算係第一次戲份咁重，我嗰時真係唔知自己做緊乜，因為第一次覺得自己要有角色嘅鋪排，我覺得好迷惘同好驚，所以永遠回望番都覺得自己可以做得更好。」

不過，祖藍對杏兒讚口不絕，直指杏兒「牛」性甚重：「佢好勤力、好顧家、好錫老公、好錫小朋友。佢都話辛苦，就真係好辛苦架喇。」祖藍又大爆私下與杏兒私交甚篤：「真係要多謝你，每次娘家搵你，你都好幫手。」二人又回顧處女及處男大碟趣事，當中最搶鏡的是祖藍昔日靚仔樣，對此祖藍笑指自己當年「偽林峯」Image好難頂：「當年我同林峯同一間唱片公司，我都好奇怪，佢哋整長咗我對腳，又磨咗我啲皮，真係當咗我係林峯咁Sell。」

杏兒與祖藍轉戰廚房陣地，杏兒煮碗仔翅，更笑言有想過退休後賣碗仔翅，二人邊食邊玩「Truth or Dare」，製作組設計的一連串刁鑽問題，例如「最驚收到邊個TVB藝人朋友嘅電話」等。對於要拉朋友落水，杏兒相當頭痛，此時祖藍想到拉「負評王」李思捷落水說：「有冇討厭嘅人？李思捷嗰啲呢？」杏兒聞言即開懷大笑，並緊接爆料謂：「佢唔會打電話畀我。」

（點新聞特約記者陳惠芳報道）