稀思路/筆是機場
美國眾議院院長佩洛西竄訪台灣地區，令中方震怒，亦令台灣地區嘅同胞受到影響，但台灣地區領導人蔡英文，好似仲未feel到自己大難臨頭咁，繼續喺社交媒體「打嘴炮」，仲想講係中央造成「台海及區域威脅」。其實，一個中國原則不可動搖，台灣係中國一部分亦係不爭事實，台灣地區當局邀請佩洛西竄訪台灣，已經係超錯；依家玩出火，蔡英文仲想借美西方勢力向中央施壓，更明顯係火上加油，如果台灣地區進一步受唔同嘅反制措施影響，台灣地區同胞真係要「多謝」蔡英文！
日前（6日），蔡英文喺Facebook就發貼文，聲稱要感謝佢哋嘅所謂「駐外代表」為台灣「向國際發聲」，筆者睇蔡英文以至佢啲下屬嘅言論，最大嘅感受就係佢哋喺度Sell緊「台獨」，最重要一件事，就係台灣唔係國家，亦無主權可言，蔡英文等人嘅講法，完全違反一個中國原則；另外，就係台灣地區事務純屬中國內政，台灣嘅地區當局想借外部勢力干預中國內部事務，如果邀請佩洛西竄台係玩火，佢哋依家玩所謂「國際線」，更加係火上加油，由蔡英文所領導嘅台灣地區以至民進黨，絕對係令到台海局勢緊張嘅元兇。
從政治而言，尤其是要安撫台灣地區嘅「獨派」，可能蔡英文「有需要」扮到好硬淨，一定要繼續「死撐」，但如果從台海局勢嚟講，蔡英文咁做，唔單止會令中央增加、加快反制台灣地區嘅措施，亦會更加堅定中央要統一嘅決心；就算筆者唔講武統，我哋都可以由各方面輿論睇得出，中國人民希望兩岸加速統一。從個人角度而言，蔡英文可能連最基本嘅政治敏感度都欠缺，以為佩洛西竄台係一件「威水事」，依家玩出火，都繼續喺度「自High」，但從近日中央嘅軍事演習等可見，面對中央嘅軍事行動以至反制措施，蔡英文根本無力應對。
雖然兩者情況不盡相同，但筆者想大家諗下2019年嘅黑暴運動，當時黑暴分子極為猖狂，除咗暴力破壞香港，仲非常高調地乞求外部勢力干預香港特區嘅事，攬炒派政客到歐美要外部勢力「幫拖」，民間又有黑暴分子高呼「美軍來了我帶路」，甚至有黑暴頭目高調地公開叫時任美國總統特朗普「出手」，結果點？結果就係，外部勢力一直「聲援」黑暴分子，不過只係「得把聲」，而一個又一個黑暴分子以至頭目，由黎智英到黃之鋒等人，依家都喺監獄喇。
近日，全國政協副主席梁振英喺社交媒體有張圖，就係一啲接觸過佩洛西嘅人，似乎都無乜運行，圖片中人有黎智英、黃之鋒、李柱銘、李卓人以至羅冠聰等人，相關人等，有啲唔係喺監獄，就已經「着草」離開咗香港；依家蔡英文咁高調邀請佩洛西竄台，佩洛西好可能會成為蔡英文嘅「死亡之吻」。今次佩洛西竄台一事，令全中國人民極度震怒，但筆者有時用較為樂觀嘅角度睇件事，因為蔡英文等台灣地區政客嘅舉動，可能加快兩岸統一嘅進程，因為加快統一，已經係我國嘅一大共識。有啲無視野、水平低嘅台灣地區政客以為搞「台獨」會令自己喺政治上「有著數」，其實佢哋所做嘅事，正正會加速兩岸統一，到時佢哋下場會點？作為中國人，我哋一齊拭目以待！
歡迎到Apple/Google play store下載 「點新聞」app
iPhone App： http://apple.co/2MxsmE1
Android App： http://bit.ly/36EmZtD
華為App： https://urldra.cloud.huawei.com/ezfJy81ETm
或直接進入點新聞網站瀏覽最新最準的新聞資訊：
使用其他社交媒體訂閱點新聞
YouTube: youtube.com/c/dotdotnews點新聞
Instagram: instagram.com/dotdotnews
收藏
取消收藏
分享
