「姜糖」逼爆商場隔空支持姜濤 毛舜筠：我都好鍾意佢

《阿媽有咗第二個》昨晚（10日）舉行首映禮，姜濤及Jer（柳應廷)因MIRROR全面停工缺席，但姜濤歌迷會仍號召粉絲到時代廣場首映禮支持。

二人的粉絲擠滿商場3層，姜糖拿着燈牌大叫偶像角色名字隔空支持。姜濤未有現身但亦收到「姜糖」心意，親自於社交平台轉發後援會拍下的現場片段，並留言答謝：「謝謝你們，辛苦了。」

毛舜筠在戲中扮演的「Jer媽」，職場身份是經理人，力捧「新歌手」姜濤上位。談到與「兩個仔」的感情，她透露：「當初導演睇中姜濤，嗰時我仲唔知佢係邊個，後來追睇返佢參賽時嘅表現，覺得呢個人非常之吸引，搞到我都好鍾意佢。後來我有參與試鏡揀蜶，在好多人中選出同樣好有魅力嘅Jer。」

此外，任達華（華哥）與衛詩雅以嘉賓身份到場支持。談到有份參與電影《七人樂隊》的拍攝，華哥坦言好幸運：「有份執導的7個導演我都合作過，覺得自己相當幸運，希望10年或20年之後，會再湧現一批新導演，我可以繼續同佢哋合作。其實每個行業都要有承傳，新導演都要繼續堅持自己。」他負責參演已故林嶺東執導的部分：「現在睇返套戲都有啲傷感，佢（林嶺東）唔鍾意住喺香港，所以成日周圍飛，但原來佢心底都好有香港情懷，個心依然留喺呢度。」