點新聞 ｜ 每日點新聞 點解香港事

無綫全新飲食節目《滿足的味道》主持黎諾懿將帶領觀眾走訪各區為人熟悉的老字號，一嘗6種香港地道傳統美食，首星期主題美食有燒肉、蒸魚及雲吞麵。

節目首站是屯門燒豬工場，諾懿深入地窖介紹長達半世紀歷史的大火爐，更成為香港電視史上「入坑第一人」。他說：「個爐停咗工兩日都仲係好熱，可想而知啲磚幾咁高溫！佢哋好錫我，一早灑水等啲灰盡量唔好飛起，但爬到落去都係成身黑晒。」

諾懿更獲安排在另一食店親自落場燒豬，站在炭火旁僅10分鐘已滴汗的他，坦言塊面「辣到裂」，並對雙手起繭的師傅大表佩服謂：「佢哋唔用機器都係想留住傳統，畀食客食番以前嘅味道，呢份堅持好值得尊敬。」

李家鼎與無綫總經理（節目內容營運）曾志偉亦有現身節目，前者大講「切燒豬」開鏡文化的起源，後者則公開獨創的「燒豬三文治」食法。

身為「住家廚神」的黎諾懿，在節目中示範「陳皮豉蒜蒸泥鯭」，還自爆曾對泥鯭有陰影：「因為細個見到阿媽劏泥鯭好多蟲。」諾懿又透露不時跟5歲大仔「小春雞」黎峰睿玩下廚親子樂，問是否想囝囝接棒做廚神，他說：「每個小朋友都有自己興趣，大個學唔學廚冇所謂，但我要佢試過、知道煮嘢食辛苦就會惜食。」

（點新聞特約記者陳惠芳報道）