點新聞 ｜ 每日點新聞 點解香港事

無綫《愛．回家之開心速遞》今午（23日）在將軍澳電視城舉行活動，劇中藝人包括劉丹、單立文、滕麗名、呂慧儀、湯盈盈及張景淳等出席，眾人於現場大玩遊戲，氣氛熱鬧。

湯盈盈被問到「獎門人」曾志偉確診新冠肺炎，會否擔心老公錢嘉樂與他錄影節目《開心無敵獎門人》時亦受到感染？她表示沒有擔心，因對上一次錄影是兩星期前，又表示有慰問志偉：「我發短訊同佢講『I hope you are OK』，叫佢唔好掛住視像開會，你知佢幾忙㗎啦，我叫佢好好休息吓。」

而在劇中飾演「龔燁」一角的張景淳，曾因遲到問題被無綫高層「照肺」兼飛出劇組，相隔近百集後，5月終於解凍成功順利「回家」，但他強調早前有關遲到報道全屬誤會更影響心情：「當然唔希望有負面新聞，未來我會再做得清晰啲，避免再令大家誤會。」呂慧儀幫拍檔開口解圍，更無意中爆出對方正在學車，她説：「唔覺有3個月咁耐，一直都一齊開緊工，佢有其他嘢忙，又學緊嘢。」追問下原來張景淳正學習駕駛電單車，他説：「其實學咗好耐，之前疫情令考試延期，10月會考路試。（有冇信心？）都緊張，不過阿Sir話我有天份。（為自己定為工作？）為自己多啲嘢預備啫，見佢（呂慧儀）都識揸電單車，我都去學吓先。」呂慧儀就大讚拍檔能善用時間去增值自己，鼓勵對方要畀心機。

（點新聞特約記者陳惠芳）

更多閱讀：

曾志偉確診否認病情重　抱恙在家工作

曾志偉確診新冠　本人回應「情況還好」