（有片）欣宜任嘉賓眼濕濕　鄭中基出碟邀家謙合寫新歌

林家謙《Summer Blues 演唱會》昨日（26日）第五場出，請來鄭欣宜及鄭中基(Ronald) 任嘉賓。

欣宜上台和家謙大力擁抱後說:「其實我好多謝你寫《救命歌》比我，第一次收到呢首歌，感覺上好似有一個人話我聽，我睇到你，聽到你個心入面諗緊咩。」講完還眼濕濕想喊，家謙即上前再安慰，「我當時去緊日本旅行，收到你打電話來喊，我也重以為自己做錯咩事，嚇死我....」欣宜喊住:「你首歌好似有一個人摸住我個頭，呵住我咁。」欣兒還帶來一對「增高鞋墊」送給家謙。欣宜說: 「增高鞋墊同你的歌一樣，男女合用。最重要係佢可以為你加長個人係咪？祝你以後開騷都似個鞋墊咁，不停加場再加場呀！」

輪到鄭中基出場：「恭喜曬，我記得舊年我演唱會邀請佢做嘉賓，我記得我講過，你食多啲嘢，一號風球將你吹走，今日好開心，八號風球你都重係到，證明你大隻咗。真係乖仔啦！我有禮物送俾你，世界知名品牌《大佬好野》嘅月餅，粗皮月餅。」家謙：「我完騷即刻食，多謝大佬。」

鄭中基又說: 「我個女唔聽中文歌，連我啲歌都唔聽，佢剩係聽林家謙的歌。重要係佢自己搵來聽，我出番來唱歌，因為我個女，我出番來寫歌，就係因為你林家謙。因為你有咁多咁好聽的歌，唔同style，搞到我都好想寫下歌。所以我今年先會做碟先，邀請家謙同我一齊寫，我寫半隻，佢幫我寫埋下半隻，睇下有冇機會合唱。」

（點新聞特約記者陳惠芳）