由新晉導演曾慶宏執導，毛舜筠、謝君豪、呂爵安（Edan）、談善言、袁澧林（Angela）、盧瀚霆（Anson Lo）及梁祖堯等主演，以家庭關係為主軸的深情之作《過時·過節》，將於下周四（24日）上映。是日電影公司推出一條「齊齊整整」的角色介紹影片，好讓一眾演員表達各自角色當中的心態與情感。
電影公司繼上周發放由呂爵安主唱的電影主題曲《攀上天梯的螞蟻》MV後，一直於YouTube人氣音樂影片排行榜中名列前茅，Edan真摯唱出電影中一眾角色當下的情緒，配上抒情曲風大受好評。為回饋港人早於香港亞洲電影節及優先場的大力支持，電影公司宣布，由本周四起購買《過時·過節》正場戲票一張的觀眾，即可獲贈電影海報一張！
導演曾慶宏表示，《過時·過節》是香港人的寫照，道盡每一種耐人尋味的家庭關係。他表示：「每個人都會喺電影入面，喺一眾角色身上，搵到自己嘅影子，或者對屋企人嘅投射。」故事中，每個人物對於這個家，都有解不開的心結，如母親阿玲（毛舜筠）的倔強與父親阿真（謝君豪）的不善表達引致矛盾，下一代受其影響，女兒阿琪（談善言）事事恐懼，兒子阿陽（呂爵安）選擇逃避。
而作為局外人的表姐阿Joy（袁澧林）和雀仔（盧瀚霆）對於親朋好友的狀況，力求幫忙改變，卻是有口難言。而盧瀚霆於影片中更首度為其角色透露更多：「我嘅角色叫雀仔，係阿陽（呂爵安）嘅Best Friend，我同佢一齊run一間遊戲公司，性格好樂觀好動，對任何事都冇咩所謂。」Anson Lo更透露，特別感謝毛姐付出寶貴的私人時間，去提點他需要注意的細節：「拍呢三場嘅時候，毛姐三日都喺度睇，就算冇佢嘅戲份嘅時候，off camera嘅時候，佢會即刻行埋嚟同我講話『你邊個位可以做得好啲』，佢教咗我好多野，而呢啲野係我從來未聽過同未學過。」
對於參與《過時·過節》，Anson Lo和Edan兩位好拍檔同CP形容是超越自己的一次嘗試。Anson Lo坦言：「今次同呂爵安拍戲，我哋嘅角色性格好似同真實嘅我哋交換咗咁，我真人比較高冷，佢就比較熱情。」而Edan則表示：「今次個角色唔係大家熟悉嘅Edan，唔係《男排女將》入面嘅阿臣，唔係《大叔的愛》入面嘅阿田，阿陽呢個角色係一個好深入內在，好多層嘅角色。」
對於一眾新晉演員的投入，令片中兩位好戲之人——影帝謝君豪和影后毛舜筠倍感安心，一向出名對新晉演員疼錫有加的毛姐指，對Edan特別印象深刻：「新演員我都合作過好多，好似Edan成日都會好主動去追問『點樣可以做得好啲？』呢個心態好緊要㗎，佢係會成功嘅。」而君豪哥表示談善言和袁澧林在拍攝過程中非常專注，具備求好的精神：「阿談同Angela會專登返嚟睇我哋拍戲，吸收多啲唔同嘅經驗，或者佢哋睇到一啲好同唔好嘅野，都可以去吸收。好似我同阿談兩父女喺車上面嘅對戲，佢會想加插一啲細節，我覺得係相當之好，係一個好有睇法嘅演員。」
《過時·過節》由安樂影片發行，講述八年前一場「混亂冬至飯局」發生後，串連出事件之中各個家庭成員，從不同的角度引發出的矛盾，而家中眾人為一頓齊齊整整的冬至飯傷盡腦筋。
相關報道：
收藏
取消收藏
分享
