點新聞 | 每日點新聞 點解香港事

每日點新聞 點解香港事
下載APP
標籤

中年好聲音丨36歲支嚳儀人靚聲甜 肥媽鼓勵及時說愛

肥媽鼓勵要向媽媽及時說愛。

無綫節目《中年好聲音》昨晚(4日)播出一集,繼續第一回合盲選比賽,是集再有13人直接晉級50強,當中有3人奪得5盞燈滿分成績,分別是何博文、林鉫徫及支嚳儀。

林鉫徫慣常中性打扮。

38歲的林鉫徫是歌唱老師,但她的中性打扮受盡冷言冷語。她說:「有啲家長要求老師一定要長頭髮同着裙,咁佢先會畀小朋友跟呢個老師學,我有啲深深不忿,希望透過呢個節目為自己平反,其實唱歌係興趣,無關外形同性別事!」她唱出《命硬》獲5盞燈,肥媽更大讚:「佢一開聲我就覺得好有感情。」她又自爆自小愛扮聲唱歌,當中最喜歡扮王傑,她更即場以王傑腔唱出《誰明浪子心》,維肖維妙。

支嚳儀獲網民讚人靚聲甜。

36歲的支嚳儀是自助烘焙店東主,不少網民大讚她人靚聲甜。原來嚳儀自細想加入娛樂圈,她在節目中透露:「以前媽咪一路反對我入行,但係我現在結咗婚生咗仔,仲創咗業做老闆,佢唔會唔畀我玩喇,Yeah!」媽媽當日亦有到場為愛女打氣。支嚳儀挑戰高難度獻唱《假如》,最終獲得5燈爆分成績,伍仲衡說:「你應該少唱廣東歌,要研究多啲點唱,唱廣東歌一啲都唔容易,但我都畀燈你,我覺得你嘅potential係無限。」

梁德欣是一位紅斑狼瘡症患者。

現年44歲的梁德欣,背後的故事亦相當感人。身為全職媽媽的梁德欣是一位紅斑狼瘡症患者,多年來隨時都要出入醫院,更服用10年類固醇,今次比賽獲得家人全力支持。她說:「好想鼓勵長期病患嘅朋友、病友同埋媽媽們,我哋都可以勇敢追夢,活得好精彩!」德欣獻唱《小天使》送給媽媽,皆因媽媽為了她專誠學習中醫,肥媽鼓勵她說:「呢個世界係好公平,點解個天會畀個病你?因為個天覺得你承受得到,或者係因為學你話齋,好少同佢(媽媽)講多謝你、好愛你,我哋成日覺得家人嘅愛係必然,但你可唔可以同佢講聲I love you啫,只要你得閒打畀媽媽講聲I love you,咁就得㗎喇!」

(點新聞特約記者陳惠芳報道)

相關看點:

《中年好聲音》臥虎藏龍 發哥同學戚愛蓉追夢有火

點聞1分鐘|「屯門娜娜」參賽綜藝真人騷 真人和視頻判若兩人

 

收藏收藏
取消收藏取消收藏
稿件由上傳 · 文責自負 · 不代表本網立場

中年好聲音丨36歲支嚳儀人靚聲甜 肥媽鼓勵及時說愛

收藏收藏
取消收藏取消收藏
稿件由上傳 · 文責自負 · 不代表本網立場
相關推薦