點新聞 ｜ 每日點新聞 點解香港事

眼見香港黑暴分子已失去利用價值，台灣當局「移民部門」日前在其網站列出九種禁止居台及入境台灣的港澳人士參與的行為，包括「遊行」和「接受媒體邀請」等 ，但之後又將其「刪除」。一眾黃絲網民都鬧爆台灣地區領導人蔡英文用完即棄，狠批蔡當局食盡港人「人血饅頭」，紛紛問班「手足」：「瞓醒未？」，慨嘆：「黃人對台灣來說只是世界級避孕套」。

有網民奉勸班港青認清現實，「William Tse」話：「台灣人發現，移居的人是過來爭飯食，而不是帶着大把錢到台灣，創立公司和職位，完全沒有繼續利用價值，自然就要放棄啦！」「Dorothy Ng」就想鬧醒班「手足」：「嗰班年青人（港青）到而家應該知道當初蠢蠢蠢！」電視主持蔡康年就話：「『走佬』離開香港嗰一班人，只係逃避法律責任，佢哋以為遠走他方，就唔需要為2019年自己嘅『行為』負責，其實佢哋係切切實實嘅『超級自私大蠢才（材）』！」「Kenny Ho」回應蔡康年：「呢班傻仔到而家都接受唔到現實，仲未肯認自己中咗奸人計。」

有網民就覺得反華勢力都是蛇鼠一窩，「手足」無謂自討苦吃。「Siukwan Wong」咁話：「台灣和英國都是過河拆橋的，順（信）得過豬乸都會上樹呀！BNOer（BNO持有人）要睇路呀！」