萬千星輝2022｜陳山聰奪視帝江美儀封后　得獎名單一文睇

《萬千星輝頒獎典禮2022》今晚（8日）假將軍澳電視城舉行。陳山聰憑藉《金宵大廈2》奪得視帝（最佳男主角）、江美儀憑藉《下流上車族》奪得視后（最佳女主角）。

陳山聰致辭時說：「非常感恩，喺人生馬拉松跌低唔係最難，反而係跌低之後企番起身而步向成功，先係最難，好多謝呢廿年幫我嘅人，多謝《金宵大廈》系列台前幕後，特別李施嬅，佢特登為我返嚟，TVB呢十年畀咗好多機會我，有三個人我要多謝。第一個係喺我最失意嘅時候問我仲拍唔拍劇嘅曾志偉，同埋兩個肯執我呢個百厭星返嚟，雪中送炭的珍姐、樂小姐，仲有我老婆，多謝呢十年佢對我嘅付出同埋生咗一個靚仔過我嘅仔，I LOVE YOU!！多謝所有支持我嘅朋友，同埋最緊要嘅伯樂JAZZ。」

十年前已獲最佳女配角的江美儀，憑《下流上車族》力戰無綫視后寶座，最後一舉成功，擊敗《回歸》的陳煒、《金宵大廈2》的李施嬅、《痞子殿下》的陳瀅等，一圓視后夢！知道得獎後，江美儀不禁激動落淚，她說：「我冇諗過會攞獎！冷靜啲，江美儀！我以為自己唔係親生女，唔會有呢個獎！我要多謝曾生、珍姐、樂小姐！陳煒，我哋好爭氣！」宣布一刻，江美儀即刻攬實陳煒，佢話：「屋企人終於可以親眼見到我攞獎，包括父母同妹妹。」

《萬千星輝頒獎典禮2022》得獎名單

最佳劇集：《下流上車族》

最佳男主角：陳山聰《金宵大廈2》

最佳女主角：江美儀《下流上車族》

最受歡迎電視男角色：周嘉洛紀威《痞子殿下》

最受歡迎電視女角色：樊亦敏白天娥（三太）《愛·回家之開心速遞》

最佳男配角：鄧智堅《下流上車族》

最佳女配角：蔣家旻《美麗戰場》

飛躍進步男藝員：吳偉豪

飛躍進步女藝員：郭柏妍

最佳綜藝節目：《開心無敵獎門人》

最佳資訊及專題節目：《尋人記II》