農曆新年將至，派利是是中國新年傳統習俗，有港女日前在網上發文，提到母親計劃今年用電子錢包派利是，貪其方便，又唔使洗換鈔。不過，樓主直言想收到實體利是多啲，直言「有啲野拎番喺手好似會開心啲」。
該名港女日前在香港討論區以「冇諗到阿媽咁潮」為題發文，指屋企人每年新年都會去換新鈔。見今年銀行有得換新鈔，遂問詢問母親，點知對方竟然話無打算換，連利事封都唔打算買，原來係諗住今年用電子錢包派利是，「仲話好方便，錢又唔洗換新，利事封都可以慳番唔洗買，幾環保呀！」
樓主話，唔知母親是否因為上年因為領取消費券，而開始用電子支付平台所致。不過，樓主心底裡「係想收到實體嘅利事封多啲」，認為電子利是「收咗都好冇實感，有啲野拎番喺手好似會開心啲」。
樓主又驚訝「以後老一輩人都會傳統啲，要用利事封、換新鈔，但阿媽竟然咁潮」。她隨後補充，雖然派電子利是真係方便咗，但自己都係鍾意傳統啲，笑言「用實體利是都會偷偷地打開望一眼」。
收藏
取消收藏
分享
稿件由上傳 · 文責自負 · 不代表本網立場
