新踏入2023年，英皇娛樂傳來第一個好消息，歌手李幸倪（Gin）正式加盟英皇娛樂。
出道12年的Gin決定踏出一直以來的舒適圈，縱然有不少公司邀加盟，但她覺英皇誠意十足。她說：「接觸過幾間不同的公司，在整個過程中，覺得新公司誠意十足，同時亦跟自己的理念一致。」
除此之外，Gin又謂自由度高亦是她簽約的原因之一，「新公司俾好大好大嘅自由度我，特別係音樂、形象上面，完全係100%信任我！令我覺得好舒服。同時俾我和好多唔同嘅音樂單位合作，好有新衝擊。大家嚟緊可以留意我新歌、形象，都會有好大嘅轉變。」
新一年新開始，為了全程投入音樂事業，Gin更將家人從馬來西亞接到香港居住，「以往喺香港工作，都會擔心喺馬來西亞嘅屋企人生活成點？雖然會打電話、Facetime，但始終自己唔喺佢哋身邊，都會有擔心，而家接咗佢哋嚟香港住，咁我就可以投放晒精神喺事業上，所以其實今次都係一個好大嘅決定。」提到「轉會費」，Gin直言滿意，「咁當然唔係單單因為酬勞，係所有配套，係一個整體嘅package。」
Gin又謂雖然加入公司只是一段短時間，但已感覺到無論是藝人還是同事，已經像大家庭一樣。問到最想跟公司哪一位藝人合作，她坦言希望可以跟公司不同的藝人合作，「無論喺音樂上定係電影上，而且好多歌手都認識咗好多年，一直都冇機會合作，所以希望嚟緊同大家有多啲交流。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
