無綫《中年好聲音》第三部曲的評分由「派燈」改為「畀分」，四大專業評審肥媽、周國豐、張佳添、伍仲衡，及嘉賓評判彭健新每組最高可給予20分，每組總分為100分。比賽完成後，六組之中奪得最高分兩組將全員自動晉級。為了從評審手上爭奪最高分大家各出奇謀，可惜不少組別「顧此失彼」失卻分數，更引發肥媽與伍仲衡針鋒相對。
事緣擁有三位五燈選手的《心急人上》組，原以為「坐定笠六」，豈料因為演唱風格各異，排練時陷入危機，更一度激嬲二汶發火鬧人：「你哋下一次機會就係正式比賽，所以上次度嘅嘢點解唔做呢？同埋改嘢點解唔講呢？」雖然演唱水準不像預期穩定，但四位組員獻唱時表現異常入戲，更加插拋媚眼及舞蹈元素，成功炒熱氣氛，張佳添及周國豐因而給了極高評價及分數，唯獨伍仲衡卻大感不滿：「佢哋演技係非常好，但我哋節目唔係中年好演技吖嘛，係中年好聲音！所以一定要我合埋眼你感動到我。」肥媽聞言即插嘴：「人哋唔係專業架！又要畀你睇、又要唱埋畀你聽，唔好咁高要求啦！」伍仲衡即黑面反擊：「呢個比賽嚟架嘛，冇要求我坐喺度做咩呀？」，現場火藥味濃。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
