《毒舌大狀》上映20日，截至今天(9日)下午5時，香港累積票房8201.0395萬港元，刷新香港史上港產片票房最高紀錄，成為史上港產片第一位。黃子華感動回應:「終於有更好理由吸引從來不看港片的觀眾入場看《毒舌大狀》。」
《毒舌大狀》破紀錄，也標誌港片黃金時代再振翅高飛，贏回亞洲荷里活美譽，該片團隊及安樂公司希望觀眾多多支持有質素的電影，相信今日創造的驕人成績，並不是終點站，只是一個check point紀錄點，他們仍會繼續奮勇踏上新里程，不斷創造「神跡」。
黃子華憑《毒舌大狀》及《飯戲攻心》擁有半年內破1.5億票房紀錄，成為票房保證。多位《毒舌大狀》演員懷着興奮又感動的心情見證歷史時刻，同時拍下感言與大家分享。
吳煒倫導演說：「首先要代《毒舌大狀》台前幕後多謝所有觀眾，係你哋幫我哋推咗一個紀錄，我最大嘅希望就係希望盡快有一部電影可以破我哋紀錄，越過我哋上到一個位置，紀錄唔係要嚟keep，係要嚟破，證明香港觀眾對港產片可以重拾返信心，更多人入場睇港產片，呢個係我宜家嘅希望。」
黃子華在片中說：「講出來都好難相信，《毒舌大狀》竟然成為咗香港電影史上票房第1位，點解嘅？我由細到大都不乏幻想，我幻想過在街上有人塞袋錢畀我，甚至乎塞部車畀我，甚至塞幢樓畀我，我都唔敢諗，有一日我有份參與嘅電影，會成為百年嘅香港電影史上第1名，我真係未諗過，我自己有咩感受都係其次，我有排都未諗到自己有咩感受，我背脊好似生咗對翼出嚟咁，想鬆吓咁，鬆毛鬆翼。我想問why? 點解嘅？點解套戲咁受歡迎呢？我睇過一個觀眾留言，佢嚇死我，佢話從來冇睇過港產片，佢去睇《毒舌大狀》，係香港人冇睇過港產片喎！都畀我哋吸引咗嚟睇，呢種深海魚，好難先引到佢上嚟，希望好多深海奇魚幫我哋入場睇吓，究竟呢部戲係唔係值得第1名，如果係嘅話部戲仲可以走得幾遠呢？當然已經攞咗第1名，好多謝觀眾，無論第1名可以維持到幾耐，時間唔重要，多謝大家畀經驗我哋。」
謝君豪說：「好開心《毒舌大狀》成為有史以來最高票房的港產片，而且只是用了短短兩星期，多謝觀眾捧場。我自己仍有一個願望，希望《毒舌大狀》再破紀錄，成為首套破億港產片。」
王丹妮說：「好多謝每一位買飛入場支持的觀眾，這是個令團隊驚喜的數字，希望大家繼續支持，介紹俾身邊未睇過的朋友。觀眾入場睇戲就是令演員和團體繼續拍好電影的努力，希望大家繼續支持香港電影、支持香港演員。」
多位演員發片分享感受：
（點新聞特約記者陳惠芳報道）
更多閱讀：
收藏
取消收藏
分享
