點新聞 ｜ 每日點新聞 點解香港事

個個都話移民，唔通個個都有能力移民咩？近日有連登仔在「連登」討論區發帖直指，移民對「有錢人」而言是正確的選擇，反之有5種人移民的前景則不明朗喇，奉勸唔好聽太多極黃嘅youtuber，直指好有誤導性。帖子一出，即引起網民熱議，「其實點解會有人覺得移民係嘆世界」，有人更留言即諗起杜汶澤，「做咗台灣人都要死返嚟搵香港人錢」。

該名連登仔以「移民始終都係正確嘅選擇」為題發帖，但就指只係對「有錢人」而言，話「有錢到過去唔使靠工作維生嘅人」。佢又列出5種人，包括：「 諗住帶一百萬( per person)以下就過去嘅人」、 「以為有份Hea工就可以生存到嘅人」、 「以為可以係白人職場佔有重要一席嘅人」、 「一心想靠當地香港人互相守望嘅人」、「以為無歧視嘅人」，直指佢哋未必頂唔到6年，即使畀你「過咗6年都唔會睇到前景」，尤其是長期打份Hea工的人，批評這類人「係唔會喺Hea工得到適合或者employer認可嘅經驗，無啦啦轉返比較理想嘅行業」。樓主坦言，講到底移民其實都係需要錢，奉勸世人「唔好上連登聽太多極黃嘅youtuber拿資料，真係好有誤導性」喎。