點新聞 ｜ 每日點新聞 點解香港事

環球唱片《REMEMBERING Leslie》企劃向一代巨星Leslie張國榮致敬，集合不同唱片公司及電視台的一眾樂壇新血獻聲。繼首發作品Anson Lo盧瀚霆的《偷情》後，現有《星夢傳奇2》冠軍Jasmine任暟晴重新演繹另一首Leslie經典金曲《怪你過分美麗》。

Jasmine演繹此歌添上了一份青澀內斂的味道，以女生角度出發，訴說了這個愛情故事。談及錄音時的過程，Jasmine坦言：「呢次喺我人生中第二次入錄音室，而兩次都喺Eric Sir（郭偉亮）做監製，今次比起錄自己嘅歌更為緊張，因為擔心未能夠將首歌嘅神髓呈現出來。多謝Eric Sir將成個故事講解我知，有啲句子佢仲會親自示範點唱，令我更容易明白點樣用適合的聲調和感情去唱。」

重新演繹哥哥的經典作品，對於Jasmine而言絕對有難度：「今次最難忘嘅喺首歌入面有好多技術上要克服嘅事情，特別喺一啲比較密密麻麻嘅歌詞。因為平時唱開情歌較多，今次呢首歌嘅編曲比較輕快，希望觀眾睇到我唱另一風格嘅歌，用自己的方法去演繹哥哥一首經典嘅歌曲。」

在Jasmine眼中，哥哥是一個非常值得人尊敬的前輩，而且極具魅力和才華，無論在歌唱或電影事業都演繹得十分出色，而且形象百變，絕對值得後輩學習。

（點新聞特約記者陳惠芳報道）