歌手張敬軒下月到倫敦舉行巡迴演唱會，而門票早前於開售時，引發黃牛黨搶飛炒賣，但近日在fb英國移民討論區，竟出現「炒燶飛」嘅情況！據一網站嘅非正式統計，十個有九個放張敬軒英國場飛都係話「屋企有事去唔到」，被揶揄「黃人炒黃牛」、「又會咁啱都有嘅~咁多屋企有事」。
話說有不少移英黃絲吼準張敬軒倫敦開show嘅機會，紛紛搶飛炒賣。點知卻不似預期，個個坐艇，仲在討論區出現讓飛潮，個個都話突然有事，忍痛割愛放飛。咦？票價+入會費，會唔會蝕晒大本啊？
有網民就分析指，「諗住有得炒，但錯判了好多人都想睇但係要湊小朋友，加上唔係個個住得近倫敦，一來一回加酒店仲貴過張飛同埋收入真係大不如前…送比人睇人哋都要諗諗車費酒店」。
收藏
取消收藏
分享
稿件由上傳 · 文責自負 · 不代表本網立場
