無綫真人騷《中年好聲音》，本周日（26日）晚播出一集，這次評審有「譚校長」阿倫，特別設有「校長室」（即危險區），最低分三位選手要進入「校長室」等待校長指導，隨時有機會被淘汰。
是集出場的8位選手均要選唱阿倫经典金曲。談到金曲大家耳熟能詳，譚校長笑言：「好多人講話我嘅歌好易唱，因為卡啦OK成日都唱，但真係唱過就知道係好睇唔好食，因為我嘅Range由低至高都幾闊。」譚校長為參賽者講評語時，不時會大開金口示範如何演繹相關歌曲，非常精彩。
校長不少金曲背後均有着鮮為人知的故事 ，其中《小風波》校長便說：「有一年演唱會，有一個朋友要求我唱呢隻歌，因為佢同太太有啲問題，可能要離婚，之後（我唱完）佢哋唔單止冇離婚，仲生多兩件。」
獻唱《情憑誰來定錯對》的吳大強，則原來和譚校長有淵源。大強在台上自爆曾和校長踢過波：「喺旺角球場踢過，我以前係踢元朗預備組同埋流浪青年。」校長聞言大感驚喜說：「咦？原來同過隊喎，咁你係我啲師弟嚟架喎！」大強聞言笑謂：「都係差一、兩年啫。」引得哄堂大笑。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
