![](https://dw-media.dotdotnews.com/dams/product/image/202303/31/6426b15ce4b020d074b4b6ce.jpg?x-oss-process=image/resize,w_1200)
無綫真人騷《中年好聲音》後日(4月2日)晚播出的第18集,是爭入八強的第六部曲《男歌女唱!女歌男唱》,當中龍婷、支嚳儀及林鉫徫三女將於該回合玩突破,曲風和造型都有別以往。
龍婷以皮褸上陣化身型爆Rock妹獻唱《特別的愛給特別的你》,「走甜」造型令人眼前一亮。主持車婉婉笑言:「見到佢着皮褸,就知大事不妙!」杜德偉大讚有驚喜:「人Show合一。」肥媽亦笑言:「有隻小魔怪走咗出嚟。」
![](https://dw-media.dotdotnews.com/dams/product/image/202303/31/6426aff4e4b020d074b4b6ac.jpg?x-oss-process=image/resize,w_1200)
同樣走甜的支嚳儀玩型格,以白恤衫加吊帶西褲上陣,中性打扮非常有型;今次支嚳儀除了玩跳唱《頭髮亂了》,更首度挑戰唱Rap。雖然支嚳儀造型上令人耳目一新,惟評審似乎對她的表演不太受落,杜德偉直言:「當你做第一個動作時,我就覺得唉⋯⋯你嘅郁動唔夠大同Powerful,一開頭已經輸咗。」伍仲衡更直指:「唔好喺比賽度做未做過嘅嘢!」
![](https://dw-media.dotdotnews.com/dams/product/image/202303/31/64269d52e4b020d074b4aff9.jpg?x-oss-process=image/resize,w_1200)
上集轉Style玩甜美風的林鉫徫,是集玩造型突破,化上濃濃眼妝獻唱《眼色》,妖味濃兼極迷幻,表演期間她更拉咪飆高音,周國豐說:「見到你揀呢隻歌,覺得你癲咗,再睇埋你出嚟嘅妝,係嘩咗出嚟,但你嘅妝同首歌係Match嘅,因為件事係癲嘅。」杜德偉則大讚:「感受到你嘅努力同誠意,令我覺得自己都唔知唱唔唱到咁犀利,你個Range真係好闊。」
![](https://dw-media.dotdotnews.com/dams/product/image/202303/31/6426afa5e4b020d074b4b690.jpg?x-oss-process=image/resize,w_1200)
評審肥媽和伍仲衡於今集又再上演牙骹戰。當顏志恒表演的《原來你什麼都不要》,當中有評審指志恒唱到似撩交嗌,肥媽則力撐:「阿媽喺大廳,所以唔使驚!你最尾個Note可以hold咁耐,係好難架!有啲唔係唱歌嘅人係唔會明白,我哋呢啲唱歌嘅人就非常明白。」伍仲衡即插嘴:「唱歌係唱畀啲聽眾聽,而聽眾9成9都唔係唱歌嘅。」肥媽聞言激動彈起說:「比賽最緊要評判畀分!」最後要坐在兩人之間的杜德偉起身調停。
![](https://dw-media.dotdotnews.com/dams/product/image/202303/31/6426af4fe4b020d074b4b620.jpg?x-oss-process=image/resize,w_1200)
(點新聞特約記者陳惠芳報道)
更多報道:
![](https://dotnews-static.dotdotnews.com/img/icon/Revision20230612/noLike.png)
![收藏 收藏](https://dotnews-static.dotdotnews.com/img/icon/Revision20230612/shoucang.png)
![取消收藏 取消收藏](https://dotnews-static.dotdotnews.com/img/icon/Revision20230612/shoucangactive.png)
稿件由上傳 · 文責自負 · 不代表本網立場