無綫《中年好聲音登峯之戰》圓滿結束，周吉佩（吉吉）以115分贏得冠軍。對於有網民形容賽果「爆冷」、「造馬」，在無綫社交平台洗版留言，周吉佩指自己一向有睇網上留言，承認自己有不足，希望日後以能力去證明自己，令不支持自己的人都轉為支持。
昨晚（23日）舉行總決賽，現場觀眾坐滿，還一度因不夠座位令部分觀眾鼓噪。及後得曾志偉出面解決，除臨時加櫈外，更答應送出《紅白大賽》門票作補償。曾志偉也宣布開拍第二季，並由今日開始接受報名，更會擴大接受海外者参賽。姑勿論節目客群是哪一個年齡層，但節目確實是無綫近年最成功的節目，既有收視、掀全城話題，有贊助收到效益，還找到歌唱方面的新血，而且節目未播完已籌辦了演唱會兼賣光門票，光是這幾點已證實了無綫造星成功。
而周吉佩（吉吉）以115分贏得冠軍，評判大讚他比平日有星味，發揮超水準。事前不算大熱的他坦言冇諗過，連入三甲都不敢想像，只是做好自己本分、聽天由命，他說：「我啱啱攞到91分嘅時候，我已經嘩，搞錯啊！我係咪發緊夢？」
吉吉說最讓他驚訝和滿足的，不是因為取得高分，而是評判看他的眼神都好像比之前不同，尤其是伍仲衡，「佢望我個眼神今日好似係唔同咗，我覺得評判個眼神，畀我嘅滿足感仲大過個分數。」他指前幾集自己都發揮得不是很好，甚至失準，這晚改善了信心不足的問題，反而發揮到水準。被問覺得賽果是否爆冷，吉吉顯得很尷尬，再說：「爆冷⋯⋯可能係，我唔知……」
吉吉的太太黃彥欣由反對他追夢變為支持，他多謝粉絲「吉S粉」前，先多謝太太幫手籌備Fans Club。他又特別提到一位十幾年前的粉絲令他很感動，連情緒病都治好，「佢十幾年前買咗我隻碟，一路擺咗喺櫃桶，見到我參加比賽，佢打咗好大篇文話我呢個故事好激勵到佢。我哋本身係唔識嘅，佢曾經因為工作有情緒病，因為我參加呢個比賽，佢連藥都唔需要食，呢個故事令我好感動，原來夢想係可以醫治到情緒問題，因為我自己都曾經有情緒問題，所以佢嘅故事都感動到我。」他亦因此決定成立Fans Club，想帶正能量給更多人。吉吉感謝太太由反對他追夢變為支持，又特別多謝粉絲「吉S粉」。
亞軍李佳坦言感到失望，但事前她也看好吉吉入三甲，他表現亦佳。大熱龍婷承認自己表現失準。
（點新聞特約記者陳惠芳報道）
更多報道：
收藏
取消收藏
分享
