點新聞 ｜ 每日點新聞 點解香港事

「過期」食品不宜進食！有網民日前到元朗一間茶餐廳食早餐時，發現餐廳提供的盒裝牛油已過期8個月，遂向店員要求見負責人，豈料對方了解後竟「啊⋯」咗一聲後，便返回廚房工作。樓主覺得餐廳係有心咁做刻意入過期貨，批評做法「十分無良」，故發文提醒街坊要留意下。事件經過發酵後，餐廳其後貼出聲明，指已銷毀該批牛油及與供應商聯絡跟進，同時對引起食客恐慌致歉。

有網民日前fb群組「食在元朗」發文指，上周日在區內一間茶餐廳食早餐時，聽到鄰枱的食客向店員表示「你哋嘅牛油已經過期」，當時店員回應會跟進。樓主遂查看自己已經食完的牛油，發現同樣已過期8個月，「起初我以為只係個別唔小心」，但後來他再詢問其他食客，發現對方的牛油一樣過期8個月，樓主於要向店員要求見負責人。

樓主憶述，一名疑為餐廳負責人的男子了解事件，「廚房有個男人行埋嚟問我咩事，我向佢反映」，沒料對方得知事件反應冷淡，「佢回應我一句『啊…』，完了行返入廚房繼續工作」。

相關帖文引來街坊討論，有人建議樓主向食環署投訴，「呢啲咁嘅負責人同呢啲咁嘅舖頭絕對唔可以姑息」、「告知食環，要懲罰，不要助長歪風」。

餐廳其後貼出聲明，指牛油每日由批發商供應，事件源於職員疏忽，未有檢查批次所致，目前已銷毀該批牛油及與供應商聯絡跟進，並對引起食客恐慌致歉，表示會加強員工的培訓。