由王晶擔任製作人的無綫劇集《一舞傾城》近日網上話題不斷，就連已移民的前藝人都走嚟抽水！已移民加拿大的李婉華，日前在社交平台直斥劇情教壞細路。電台節目主持健吾就發帖笑言：「全部唔係喺香港住嘅黃藝員睇TVB仲多過我。你話TVB 點會死？」有網民則揶揄「身體很誠實」、「唔係仲邊有野鬧？都冇人同佢嗌口號啦！」
事緣李婉華日前喺個人YOUTUBE頻道嘅節目《豪華博客》，同身在英國嘅林子博及喺加拿大嘅杜挺豪，一齊討論TVB劇《一舞傾城》。李婉華鬧爆劇集裏面「賣處」情節意識不良，認為教壞細路。王晶就在微博發文反擊，表示：「李婉華响TVB都屎戲之王，我電影用過一次嚇到剪左大半，响度扮識，識就唔駛冇得撈死埋响加拿大啦！仲有個乜嘢博，去英國都冇得博㗎啦，去執垃圾啦！想响網上欺凌阿叔？因住你啲仔女被鬼仔欺凌好過啦！」
收藏
取消收藏
分享
稿件由上傳 · 文責自負 · 不代表本網立場
