【點新聞報道】《好睡好起》周四（15日）播出的第七集主題是「『睡』星」，邀得藝人周嘉洛、伍詠薇、立法會前議員黃定光及政界名人「公職王」霍啟剛在鏡頭前公開「睡眠世界」。嘉洛還分享獨門「快速叉電」。
周嘉洛劇接劇休息時間甚少；主持方東昇、黃曉瑩及李曉欣貼身直擊周嘉洛其中一日的工作。經過14小時工作，被譽為電視城「頂級電兔」，周嘉洛也有輸給周公的時候：「都會強制性熄機，試過喺拍緊我、我畀緊對白嘅時候瞓着咗。嗰時嘅情景就係我一擘大眼，見到啲crew全部望住我定咗喺度唔知做咩，因為我唔知我自己瞓着咗，我以為我眨咗眼架啫。」更笑言在他的世界裏，「瞓覺」等同「興趣」。
同樣因為拍劇積下大量睡眠債的伍詠薇（伍姑娘），揚言搏殺後花了十多年搶救「睡眠質素」，她更大方分享各樣睡眠問題及搶救大法，更首度走進睡眠實驗室接受測試。伍姑娘謂：「人生咩都要試吓嘅我覺得。」同樣勇闖睡眠實驗室的還有「公職王」霍啟剛，他雖然公務繁忙，行程一個接一個，但仍盡量日睡七小時。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
