【點新聞報道】姜濤早前接受傳媒訪問時表示，宣傳新歌《DUMMY》時透露有感前面10首歌都是講他自己Dark事，也從這一些歌全部說完，是時候開展輕鬆曲風的新篇章。
對於許多歌迷掛住《蒙着嘴說愛你》的曲風，姜濤說：「我有諗過唔再唱呢首歌，覺得疫情都過咗去，大家冇需要再蒙着嘴，無個意欲再去唱。」姜濤表示下一首歌將在演唱會前推出，歌曲主題會開心。
姜濤談到本來希望在叱咤頒獎禮後停一年，叫公司「雪藏」自己時，被取笑「其實想休息一年」，他笑言︰「唔係，你諗下，我連樓都買埋，有地方可以收埋，我覺得冇乜必要再撈落去，哈哈﹗講笑啫﹗」歌曲《DUMMY》的舞蹈由台灣排舞師編排，但敲頭的招牌動作由姜濤設計。他透露首次聽到這首歌時就想到敲頭的動作，想透過此動作表達出敲醒及提醒自己的意思。他說︰「呢首歌係一個自嘲，係記錄嗰個時期嘅自己需要去記得自己嘅初衷。大家可以繼續敲我！嗰幾個月，大家真係敲得好勁！」
訪問途中，姜濤有幾聲咳，他一病或弄傷腳，姜糖都十分緊張。姜濤說︰「OK嘅，多謝大家關心。有人關心都開心嘅，不過希望大家有時唔需要過度擔心我。我都大個，大家都係﹗」
主持問姜濤到此階段，需否被迫謙虛？否則會招來閒話。姜濤說︰「唔可以話係被迫，係一種對人生、處事嘅態度。我成日有一句說話提醒自己，係自己入行之後嘅一啲感受，就係『表演嘅當下你要好主觀，脫離表演嘅當下你要好客觀』，呢個係我一直想維持嘅一種表演態度。人哋對你講啲乜嘢都好，你都要好客觀地深思究竟啱唔啱，唔啱就唔好理，啱就要做。《鏡中鏡》就係講點樣同呢啲嘢共存，自嘲就係我今次共存嘅方式之一。講真，邊個唔想話番人哋？你話我，我嗰下有10個粗口等住話番你，但我知道好多小朋友都鍾意我哋。任何嘢，只要大家退讓一步就會好好，所以我希望面對任何攻擊時，都抱住保持平靜嘅心態去面對。」姜濤稱會透過唱歌、跳舞及打波去發泄負面情緒。他笑言：「打波時，你會惡啲，只要你唔好太茅就可以。打波嘅時候同人哋有身體接觸，嗰下都宣洩到。」
被問到對自己有什麼定義時，他說：「我覺得唔好太輕易去自訂係一個乜嘢意義。我嘅演唱會其中一個概念就係希望大家唔好太框死自己，喺人生或者表演方式上都係。我嗰陣時就係太框死自己，要表達憤怒其實有好多種方式，唔需要用一種咁激進嘅方式表達，因為有好多雜念導致嗰個表演有好多唔純粹嘅因素，大家感受到先會覺得唔好睇。」最後提到8月的個人演唱會，姜濤透露會以「水」的概念做主題：「可以好似水咁樣，有一種態度。」
（點新聞特約記者陳惠芳報道）
相關報道
收藏
取消收藏
分享
