點新聞 ｜ 每日點新聞 點解香港事

【點新聞報道】《2023香港小姐競選》16位佳麗，今日（17日）開啟越南行程的第四天，她們到達當地景點稻田及磚房進行拍攝，穿長裙上陣的佳麗，在稻田美景及磚屋中大擺型格甫士。

同行的黎諾懿對佳麗貼心照顧，15號莊子璇更言黎諾懿真人與鏡頭前一樣搞笑，「佢成日講爛Gag，都幾搞笑，同埋叫我哋叫佢做諾仔。」第一天拍攝便記熟所有佳麗中、英文名字的諾懿更獲封「記憶小王子」，對此他笑言有秘訣，並「撒嬌」指今屆佳麗英文名太艱深：「其實我記得曬係靠出貓不斷問人架咋，難記嘅名我都交曬畀梁凱晴，我人生最怕記資訊嘢同人名。同埋佳麗啲英文名好深，又Zora、又Eris、又 Lovelle，我平時叫開Mary咋嘛。」

至於因在社交網自我介紹中自稱「Single Mom」惹揣測的2號黃泳嘉（Jessica），首度開腔回應事件：「我唔知廣東話有冇呢句說話，我嗰時喺加拿大有樣嘢叫Mom Friend，通常指好鍾意照顧人嘅朋友。我喺加拿大嗰時住寄宿學校，我係好照顧啲同學，佢哋個個都話我係媽咪，呢個（自我介紹）只係Inside Joke。」

此外，無綫官網上周一開始進行的「你最Like的心水佳麗」投票活動，今午公布首周投票結果，暫時頭五名依次為17號王敏慈（Lovelle）、16號郭珮文（Juliana）、13號陳曉彤（Cindy）、15號莊子璇（Hilary）及12號梁晶晶（Nicole）。

（點新聞特約記者陳惠芳報道）

相關報道:

（多圖）港姐2023｜佳麗着白裙　外景日曬雨淋笑容不減

港姐2023｜佳麗學越南話宣傳香港　郭珮文淺嚐美食莊子璇吃零食減壓

（多圖）港姐2023｜17佳麗編號抽籤結束　莊子璇獲觀眾「一見鍾意」