連登仔力數移加8大難處 籲移民前三思

加拿大近日宣布放寬港人到當地工作移民計劃的申請門檻，咪以為好着數，有移加港男近日就力數當地生活的8大難處，直指難搵工、租樓難、開信用卡難，而車費、電話費、上網費通通都好貴，建議有意移民加拿大的港人記得「「帶多d錢」喎。

該名移民加拿大三星期、落腳多倫多的港男日前在連登討論區以「移民加拿大前請三思你一定會面對嘅事」為題發文，直指當地物價高，「出街食嘢貴，大多都係dinner（加元）$13.99 - $29.99 呢個價位」，睇落唔係貴香港好多，但係要加返13%稅，仲有堂食至少10%的貼士，即係原本15.99 加元的晚餐，最後埋單就是要大約19.88加元，差不多約120港元。雖然買餸煮飯相對便宜，但加埋13%稅後仍比香港物價貴。另外，當地無論是車費、電話費、上網費的開銷使費亦十分高昂。

住屋方面，樓主形容在加拿大租樓簡直又難又貴，舉例「同一間屋可能有3個人睇岩（啱）」，咁就要「同人搶…依架（宜家）多數人都係出1年租，之後會開始出貴多（加元）$50/$100 」，有靚樓更要指定有加拿大人做擔保人，提供相關信貸報告、收入來源證明，直言「呢邊冇親人就唔好諗」。他又提到，當地「租盤清得好快，基本上好嘅租盤放左（咗）出黎（嚟）2至3日都一定租得出」，現在只有舊樓先會全包（水、熱、電），新樓多數只係包一樣，「有d（啲）衰Ｘ到車位同 Locker（用嚟裝車軚，好大乜都可以塞入去）都唔包」。

工作方面，他直言在加拿難搵工，當地服務行業、保安工作幾乎是都是印度人，「 min pay（最低工資）工都會揀人，呢邊因為好多人都搵工所以好易炒人，華人超市成日炒人，所以唔洗話咩黎（嚟）做min pay一定有人請」。而且要在當地開信用卡亦好難，「因為Local 銀行見你新移民好難批你信用卡」。