【點新聞報道】《2023香港小姐競選決賽》將於本月27日舉行，16位佳麗昨日（14日）首次以泳裝會見新聞界，燕瘦環肥都一目了然。
眾候選佳麗中，當中胡睿涵、潘明璇及郭珮文可說「胸之最」上圍豐滿，郭珮文更以少許以秀髮遮胸到備戰情況。擁有35吋上圍的郭珮文自爆愛以食物減壓，為了比賽宵夜由炸雞變成蒸南瓜，她又無奈說：「認命喇，我應該係佳麗中最大隻。」
腰部尚有少許baby fat、上圍36吋的胡睿涵最努力減肥：「真係瘦咗好多，依家淨係食沙律同雞胸，戒晒零食同碳水化合物。暫時都OK嘅。」至於潘明璇被網民指樣子「持續進化」，她竟開心表示：「佢哋覺得我靚咗先咁講，亦證明無綫嘅化妝技術好好，同埋改咗髮型，覺得上鏡啲。」
大熱莊子璇莊子璇日前因紅疹入院，亦已狀態回勇。她穿上泳裝谷胸上陣又展現甜美笑容，她稱兩日前突然無故出疹，更蔓延至全身，面部亦紅腫，即往急症室求診，醫生指可能是免疫力低兼壓力大所致。問到是否與近日的負面新聞有關？她說：「自己覺得冇乜嘢，呢啲新聞一直都有，要自己面對。我住院期間我狂打針，食藥，希望盡快出院。今日上台仍有少少震。（今日表現幾自然？）靠化妝喳！我都擔心決賽前再復發，所以一定要準時食藥，我OK的，相信不會影決賽的決心。」
至於陳怡名早前與網民爆罵戰，道歉後繼續被狙擊，日前她突然清空社交平台，疑患有社交恐懼，她受訪時坦言情緒受影響：「好多人留言鬧我，最多人以廣東話同英文粗口留言，話我好醜樣，又叫我『滾回去』！（好嬲？）佢哋都係發洩啫，好多人凌晨3、4點冇嘢做就留言。」問到為何將性感照全部「下架」？她回應：「依家好多新聞都有我啲相，大家可以上去睇。（後悔當日同網民鬧交？）坦白講，我只係後悔回覆佢哋，因為我廣東話唔好，引發更多嘅誤會。參選前我只係個素人，冇諗過咁多攝影機同新聞瞄準我。（考慮退選嗎？）完全冇。」
（點新聞特約記者陳惠芳報道）
相關報道：
收藏
取消收藏
分享
