杏林細語｜智障女兒失控遭警告　父：睇咗佢33年

文/陳惠芳

警察有點怒意說：「點解唔睇住個女，她周圍騷擾人哋做生意？」

女兒爸爸說：「sir，我睇咗佢33年，她弱智又有自閉症，但她已經咁大個，我年紀唔細，唔可以成日跟住佢。」

「睇咗33年」

警察聞言語氣轉為同情說：「我都明嘅，但佢唔可以阻住人做生意，她買嘢唔俾錢，大吵大鬧，唔俾佢又唔肯走，檔主好多係男人，講粗口趕佢走，又作勢打佢，她都危險㗎！」

女兒爸爸表現冷靜，也不激動，又沒罵女兒，他回答說：「她有八達通，我有俾錢佢，俾500她使500，所以有時俾少啲。她昨日話要買手錶，買咗俾佢，估唔到她又來到花園街檔口又買手錶，唔好意思，我會帶她走。」

警察：「好彩有呢位女士睇住佢，否則我會帶佢上警車。她戴住手錶由女士俾錢。」

那爸爸說：「唔該你，幾多錢？（30元）我俾番你。女士收下後便離去，但剛才他女兒大鬧花園街，仍歷歷在目。

檔主：報警啦

該女士逛花園街，在一手錶檔口聽到一女子哭着並不停大聲說：「我要呢隻手錶，俾我呀！」男檔主說：「俾錢啦！你次次係咁，你好走，唔係我趕你去，你老豆老母哩，唔睇住你。好離譜。」此時引來大批途人圍觀，又有其他檔主走過來說：「她次次買嘢唔俾錢，俾過一次，下次又來，咪理佢，叫佢走。」有人更說：「走啦！唔係打你架！」他們對她越惡，她越哭得大聲，檔主決定報警。

買完不離開

那途經女士是社工，查看她的布袋，內有她的特殊人士証件，但沒有錢也沒八達通，社工買了手錶安撫她，之後她又說要寫請假紙，社工照做，社工本來陪她到警察便走，她又突然又說買鑽戒，又走入一檔口買耳環，此時警察到來，見她失控，說要帶她上警車，又用其手機聯絡她的家人，家人需時到達，警察要求社工陪着她，更說：「再搞唔掂我只有鎖住佢。」社工直至陪到她爸爸出現才離開。

父母愛孩子

社工見到她的父親，一臉從容，如他說已照顧女兒33年，面對這種孩子行為他已習以為常，但父母只有越來越累，即使能照顧多少個年頭，也難將孩子未來改變過來。