港媽呻$8000家用唔夠 自覺「連工人都不如」萌離婚念頭

全職媽媽不易做，除了要照顧家中大小事務，更是要精打細算。有港媽在網上發文大呻開支大，老公每月給她8000元家用，只夠應付日常開支，慨嘆自己連工人都不如，更萌生離婚的念頭。

該名全職港媽在親子王國討論區以「家用問題想離婚」為題發帖，表示與丈夫育有兩名孩子，老公負責賺錢養家，她則為全職媽媽湊仔，因此是零收入。她指丈夫每月會給予8000元家用，包括日常生活的開支、一日三餐的伙食及看醫生的費用等，指上個月單是小朋友的醫生費及藥費，已花了4000元及500元。

雖然港媽曾為此與老公討論，但對方認為8000元的家用已經好足夠，令她氣憤不已，更萌生離婚的念頭，「照顧你哋日常，然後個老婆無零用？唔洗買吓嘢扮吓靚嘅？一個工人都6000啦！真心連一個工人都不如！」

帖文隨即惹起網民熱議，「8K都照生兩件點計自己都有點責任吧？如果覺連工人不如既，搵時間做下part time」、「你都出去返工，用$6000請工人，你同老公一人一半，咁剩番嗰啲咪扮靚囉」。港媽回應稱「你估我唔想返咩」，指老公唔想她返兼職，就係專心係屋企照顧2個小朋友，直言「我出去返份工輕輕鬆鬆交哂雜費日常生活買埋餸，又有得比埋家用我媽都有成萬落袋」。

港媽後來補充，老公從事三行工作。有網民認為，港媽應該跟丈夫好好溝通，「咁你同佢討價還價佢要你付出，冇問題架喎，前提你要ok佢付出」、「你之前係點同佢溝通？唔會結婚生仔都無傾過掛？打仗前一定講錢」。

其後，港媽好直接同老公講「工人都6千啦，我連個工人都不如！！」，並列出開支指「我朝早午餐唔食，你女都要食啦，買餸煲湯既話150元走唔甩，當一個月計大概6000元，小朋友雜費、醫生、日常用品當2000元，咁我呢？而家好彩佢都會反省一下8000元係咪真係夠」，最終港媽同老公傾掂，同意將家用增至10000元。