【點新聞報道】一連兩場《陳慧琳Season 2演唱會 澳門站》於昨晚（9月30日）假澳門舉行頭場演出，Kelly狀態大勇，一開場即以連場歌舞炸爆舞台，現場瞬間就被炒熱。
Kelly相隔4年強勢回歸，製作亦落重本，舞台特別搭建了一間通心白屋外，影像上亦營造出準備作戰的狀態。Kelly在開場時穿上黑色戰袍，配以金色后冠，並聯同16名舞蹈員在白屋前載歌載舞，唱出《Ask》及《都是你的錯》，就猶如皇后出征一樣。在《Ask》的中段，Kelly更脫下戰袍與后冠，以一身金色泳衣款式的舞衣示人，超高衩騷出長腿，高貴氣質與霸氣盡現的同時，亦寓意Kelly正式回歸樂壇，展開她的Season 2。
唱完兩曲之後，Kelly即問台下Fans道：「型唔型呀？鍾唔鍾意呀？請俾多啲掌聲跳得咁落力嘅Kelly Troop！好耐冇見喇！上次嚟澳門開Show已經係2019年，4年裏面變化好大，發生好多事，但你哋對我嘅支持有冇變到先？」這時Fans都報以熱烈的尖叫及歡呼聲。隨後，Kelly又道：「今次演唱會叫Season 2，亦代表住我嘅重新出發，呢個演唱會應該Show一個進化咗嘅我出嚟，即係Kelly 2.0，因為唔進化就退化，可能亦因為我係處女座，不斷Chur自己，拎最好嘅嘢出嚟。」
Kelly此時也檢視現場，發現Fans來自不同地方，除了澳門及香港Fans外，亦有來自台灣、北京、上海、廈門、青島等地，令到她十分驚喜的同時，她也興奮表示：「我嘅Season 2開始喇！」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
