【點新聞報道】移民，就是做二等公民。一名網名為「香港老師也移民」嘅移民英國「黃師」，繼早前發文話自己在職場上畀人恰後，日前再發文話自己「四日喊咗八次」，又話「所有快樂與痛苦都隨住移民而出現！」不過，她仍死撐「冇後悔過移民」喎。不少網民都笑言「咁就好，我幾驚你後悔，一定要堅持吖」、「開心就好，千祈唔好返香港」、「咁就好，幾X驚佢話返嚟」。
該名移英「黃師」早前自爆遭到當地人「妒忌、針對」後，她日前繼續喺社交平台「放負」，先指自己「已經喊咗四次，我需要一些時間，或者一個擁抱」，仲問「點解我既人生從來都係荊棘滿途？」之後，再發文講仔細啲係「四日喊咗八次」。佢喊咁口話「我由細到大已經過咗好多好多好多嘅難關，但係而家覺得好攰」喎。
她其後有感而發再發帖指，「所有快樂與痛苦都隨住移民而出現！」之不過呢，佢仍口硬話「我冇後悔過移民，因為民主社會、自由空氣係最重要‼」仲自我安慰「關關難過、關關過」咁話。
收藏
取消收藏
分享
稿件由上傳 · 文責自負 · 不代表本網立場
