【點新聞報道】MIRROR成員陳卓賢（Ian)、楊樂文（Lokman）、江𤒹生(Anson Kong）主演ViuTV原創劇《冰上火花》將於10月30日。劇集首播在即，3人與一眾演員出席招待會，各人更全套裝束上陣。
Ian、Lokman、Anson Kong 和COLLAR成員Gao輪流在冰上展示溜冰實力。Ian及Lokman先後在溜冰場因失平衡而跌低，Ian更要由其他成員上前扶起。三子受訪時稱已有一段時間沒有接觸冰球，所以變得很生疏，加上現場很多人令他們大感緊張，開始時有些甩碌情況。
不過，Lokman及AK笑Ian跌低是花式綁鞋，Ian說︰「首先降低大家嘅期望值先喇，同埋我好耐冇着呢對鞋，磨咗刀片，磨完之後就好鋒利，所以先熱身刨下冰就會好啲。」他們表示大家裝束很硬淨沒有受傷。Ian續稱拍攝時盡可能不用替身，「除非時間好趕急，導演話唔得啦，冇時間比你再試，咁樣先用替身。所以嗰段時間大家都累積咗好多經驗，都進步咗好多。」AK稱大受傷沒有，只是鞋不太合腳，出現磨皮情況。
Lokman形容整個拍攝似愛情，開始時很期待，中間就很辛苦，到完成又覺得值得，笑言早多幾個月問，大家一定答幾時完，好辛苦。他又指當時不用埋位時，大家都會上場打波及不停溜冰。他稱他們三個要待冰場關門之後才可以拍攝，連續通頂兩星期拍攝。Ian稱今次連踩40小時破了紀錄。AK稱Ian已經好叻仔。」
對於收視期望，AK說︰「我哋完成曬自己責任啦，呢個交畀大家啦，但我覺得劇集可觀性唔錯，因為這個題材未試過在香港拍成劇集，我覺得比賽片段幾好。」提到Ian首次唱主題曲，他既期待又緊張︰「錄呢隻歌嘅時候，時間就比較倉促，因為都好趕急，但係都OK嘅。」
談及MIRROR的澳洲團綜，Ian表示因心臟健康問題，只能目送他們去坐熱氣球，為他們拍照，自己與拍攝隊則坐車追住他們。AK表示當時升到某一高度，便打給Ian，直言信號又收得很好。Ian稱心臟問題在小時候較嚴重，但大個做運動已很好，但若休息不夠有時會暈，因此不能玩高空及離心力遊戲。姜濤稱今次團綜有人哭，三子表示沒有，就算哭也只會躲起來偷偷地哭，含住眼淚才感人。對於同房問題，AK稱有兩日跟Ian同屋，更自爆有煮飯給對方吃，認定Ian超開心。Ian回應一句「啊！」之後再答「我戴咗3對耳塞，都有用，都頂唔住，都慣啦！」
（點新聞特約記者陳惠芳報道）
收藏
取消收藏
分享
