【點新聞報道】曾志偉昨日（19日）在《萬千星輝賀台慶2023》完結後，大讚節目做得好，給予一百滿分。
志偉說：「我畀一百分，我覺得所有節目真係做得好好，我係畀所有同事都一百分，因為所有人都盡心盡力，為咗TVB生日好似擺酒咁樣，為了來賓去做好自己。」被問到最喜歡台慶哪一個部分，他直言：「每一個部分都鍾意，除咗阮兆祥嗰一個部分，每一個部分我都知道發生咩事，佢哋三個講咗畀我聽，但我唔知係排乜嘢，其他嗰啲就係大家一齊去諗，其實初初唔係極好睇，甚至有啲難睇。」
問及明年大計，志偉說：「我哋都係過完一關又一關，港姐完咗，之後等台慶，我每一次都會畀一個主旨大家，唔希望啲嘢冇內涵，舊年就係傳承，今年就係初心，知道要計劃啲乜嘢。明年我有少少提過，我哋做咗56年，我哋做好多嘢都係做懷舊，希望出年係突破係改變，其實變並唔係話全部都係新。」
提到日後職位會否有改變，志偉直言「驚變咗老闆」，「我平時同員工都係打成一片，我覺得職位係唔重要，但求做好件事。」講到會繼續擔任工作多少年，他坦言：「真係冇，係一步一步咁行落去，同事由入嚟直到而家都好明白，初初一係行嗰陣，大家都諗緊我想要啲乜嘢。」
談及在台上向獲現金獎郭珮文說「你未瞓醒咩」，志偉幽默回應：「佢個人係咁，我同佢綵排嘢嗰陣時已經係咁，做得好佢又唔知做得好咩！有陣時做藝人攞獎都要鞭策佢，攞獎係40幾萬，攞獎可以冇乜反應，佢可能以為做騷會收返，我哋正想話畀大家聽我哋冇內定，如果有內定就唔會咁嘅表情！」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
