點新聞 ｜ 每日點新聞 點解香港事

【點新開報道】《新聞女王》昨晚（21日）第二集劇情繼續緊湊，陳曉華（Hera）飾演的角色，慘成佘詩曼（Ma姐）與馬國明鬥爭下犧牲品。

陳曉華（Hera）在劇中向馬國明暗示可出賣美色：「我都可以冇底線，我都可以走光」，可惜遭他篤爆她扮醉之餘，更以「香水論」奚落她謂：「女人嘅人緣你冇，女人嘅直覺你都冇」、「狗咬人你都想像唔到，人咬狗嘅世界唔啱你。」

雖然Hera只客串了兩集，但卻連續兩日引發熱討，她說對自己角色也十分心痛：「當一個人好努力時，真係會犧牲好多嘢。我都覺得自己必須要好努力，但我同芷瑤唔一樣嘅係，我有底線同埋我唔噴香水。」Hera又坦言與阿佘及李施嬅合作獲益良多：「佢哋係好好嘅榜樣，佢哋認真工作嘅氣場，令我拍攝時都更加集中。而阿佘同我分享過嘅嘢，到依家我拍嘢時都會經常用嚟提醒自己。」

昨晚另一衝擊眼球的是高海寧「拉鏈大法」，今晚更使出殺手鐧「送底褲」。而龔慈恩則大讚阿佘做主播好掂：「好多內地朋友都同我講話套劇好正，搞到我都好期待。尤其阿佘做報道嗰Part我好Appreciate，佢真係完全拿捏到（個Tone），啱啱好。」

（點新聞約記者陳惠芳報道）