港鐵阿姐與「非洲情人」WhatsApp談情　網民偷拍：中咗電騙？

網戀騙案近年非常猖獗，大家真係要小心提防！有網民日前在港鐵偷拍到一名婦人的WhatsApp通訊，可見她正與電話號碼「+234」字頭，即來自非洲尼日利亞的「情人」對話，雙方更已到談婚論嫁！相片引起網民熱議，有人笑指「邊個騙邊個都未知。」不過，亦有網民不齒樓主的偷拍行為。

該名網民在連登討論區以「地鐵阿姐疑似中左（咗）電騙」發文，並上載兩張他偷拍一名婦人WhatsApp通訊的截圖，可見她與電話號碼「+234」字頭，即來自非洲尼日利亞的「情人」對話。從截圖的對話內容顯示，婦人說︰「我愛你寶貝」，對方則回覆稱︰「我總是為了你照顧好自己，我太愛你了，我愛你直到我最後一口氣」、「寶貝，我只想你真的12月17日來香港向我求婚」，而截圖亦可見婦人當時正輸入回覆。

帖文引來網民熱議，有網民相信阿姐沒有受騙，指：「聯絡人都唔set」、「contact都未set阿姐應該未中毒太深。」亦有網民對兩人的「情話」感到奇怪，形容「d對白核突到小學雞都唔敢講」，「擺明係translate出嚟嘅中文」。有網民更抵死地指：「有冇諗過阿姐先係做電騙？」、「邊個騙邊個都未知」、「阿姐先係笑到最後果個嚟」。

不過，也有不少網民斥樓主的偷拍行為侵犯私隱，「見到呢d post就知道用防偷窺mon貼幾緊要」。