【點新聞報道】Twins將於明年1月舉行8場紅館《TWINS SPIRIT演唱會》，門票公開發售即遭瘋搶，半個鐘宣告爆滿，今日（9日）宣布再加開2月1日-4日共4場，門票12月15日在城市售票網公開發售。
對於今次門票開售勢如破竹，阿Sa（蔡卓妍）笑謂，「其實真係救到我燃眉之急，我真係好唔夠飛，之前我仲用自己的飛行里數去換返自己演唱會啲飛，換完都係唔夠，幫唔晒朋友訂，而家再加，咁即係有救啦，哈哈……歌迷都不停留言畀我，話搶唔到飛想喊，所以我哋今次特別為佢哋搞緊一場加場係歌迷會專場，咁希望大家都可以真係一齊入到來，同我哋一齊共度到22周年，呢個咁值得紀念日子。」
阿嬌（鍾欣潼）就坦言，「聽到再加場，有愕然，又有驚喜，又覺得係一個突破。做咁多場，喺自己體能上都有少少擔心㗎，但會盡全力去做！已經開始戒緊肉，剩係食菜呀，海鮮咁，因為只食齋又怕唔夠營養，記緊歌詞排緊舞啦。」
此外，最近又有不法之徒，於社交網上發帖，指Twins演唱會招聘保安、檢票員等職位，演唱會總監馮貽柏表示，從來沒有進行過任何這些職位的招聘，勸喻歌迷千萬不要受騙，把自己的私人資料或電話等給予這些網站，小心保障個人利益。
相關報道：
收藏
取消收藏
分享
稿件由上傳 · 文責自負 · 不代表本網立場
