人離鄉賤，看來懷揣天真美好的幻想，一意孤行跑到英國，卻原來遠非想象中如此美好。1名中年港男在網上表示，年半前移民英國，形容「好多嘢都有啲困難」，而最大阻滯莫過於求職。他指搵工搵足9個月，發送532份履歷表（CV），並根據英國格式和風格，多次更改履歷表內容，最終有公司在求職網站見到他「課金」（意即付費）建立的賬戶，因而提供面試機會，最後成功獲聘。
樓主在facebook群組表示，自己約20年前在工業學院畢業，並在香港從事IT行業，做了20多年，但沒有大學證書。目前接近50歲的樓主，約年半前到英國生活，赴英後重新適應，「其實好多嘢都有啲困難，都要靠自己努力一一解決」，當中最困難是搵工，「真係搵到你懷疑人生」。
樓主總結求職經歷，表示總共發送532份履歷表，聯絡54位招聘中介，但形容「數目一啲都唔多」，有其他人發送的CV數目比他更多。最終他花了9個月左右求職，才找到一份工作，而且是IT老本行。
至於履歷表，樓主直言「都唔記得咗執咗幾多次，每次都有啲嘢加減，淨係玩格式都玩到傻」，除了要用英國本土語法撰寫之外，最重要的是「唔好水蛇春咁長」，因不少當地公司用系統自動掃描履歷表，篩選過後才安排人手翻閱。
樓主指，一般英國招聘中介收到履歷表後也會致電給求職者，但提醒不要「對電話有任何期望」，因中介留意到有公司請人，通常會漁翁撒網，將求職者的履歷表轉發出去，所以「幫到手嘅機會唔高」。樓主更稱，曾試過每日也收到電郵，告知他未能進入下一輪求職環節，身為過來人的他提醒求職者「千祈唔好灰心」。
樓主經過一輪努力仍未找到心水工作，他其後在求職網站建立賬戶，而且「課金」購買高級服務，讓他一旦見到心儀工種，就可以快一步申請。有公司見到樓主在求職網站的賬戶，甚至沒有公開招聘就相約樓主面試，最終他成功獲聘。
有調查顯示，只有約半數受訪者（移英港人）目前有工作，當中35%從事全職工作、9%為兼職，而6%則為自僱人士。撇除已退休人士後，持BNO移英的港人在當地就業率僅為52%，遠低於英國全國就業率76%。尚以全職為標準，移英港人僅僅只得35%的人有穩定工作。
收藏
取消收藏
分享
