英國咁多歷史悠久嘅地方，很多房屋都有百年以上歷史，經常發生靈異事件。近日有移民英國的港女在網上發文求救，話喺屋企「撞鬼」，問邊到可以買到紅紙辟邪喎。不少網民就質疑「不是要用英國方法解決嗎？」、「紅紙對英國飄有乜用？」、「西方嘢應該用十字架，大蒜」。
該名移英港女在fb群組「食在英國，超市好物/飲食情報分享區」發文話，「事源係屋企有件嘢太猛，入咗屋後好多怪事，所以想用嘢封咗佢先拎走」，她去過南部多間中超都冇紅紙買，遂問網民「請問大家知唔知除咗紅紙，有咩可以代替紅紙？」
不少網民好奇港女的「撞鬼」經歷，她就回覆話自己冇睇到，「個人冇事，係屋企啲不停自己跌，同埋有同屋見到咋」。她指，「鬼故事就冇咩，都係例牌有嘢係後排飛出嚟跌爛，啲嘢自己開閂，同埋有同屋睇到望住佢瞓，如果唔係到現身，都冇諗過搞，本來打算共存算」。有網民留言話「真心佩服你哋好勇，畀我一早搬咗」！
收藏
取消收藏
分享
稿件由上傳 · 文責自負 · 不代表本網立場
