【點新聞報道】歌唱真人騷《中年好聲音2》，周日除夕夜（31日）播出一集是第七部曲《十八強故事之歌 年終淘汰賽！》下半場，今集「故事之歌」繼續淚水泛濫，其中陳俞霏唱《沒結果》，更是她的人生寫照。
陳俞霏哭着說：「好細個爸爸就過咗身，媽咪一個人獨力湊大我，好多單親家庭嘅孩子都會明白，佢哋（父母）唔係好識愛，但佢會畀到好多物質上嘅嘢我，同埋選擇咗道路畀我行，其實講到底我都係想你接我返一次學，只係想一家人一齊食一餐飯，我咁多年嚟冇同屋企人過個一次生日，好多嘢都係批評之下度過，無論點做都冇用，所以我覺得人生係好失敗。」
肥媽聞言後語重心長說：「你覺得冇同屋企人食過一餐生日飯係好慘嘅事，你係錯嘅，你家人錫唔錫你佢永遠都係家人，同埋我哋嗰代讀得幾多書啫，其實你哋依家大個咗，應該知道我哋嗰代做嘢都好辛苦，我哋係用把口嚟教，我六年班都未畢業，點教我啲小朋友，咪日日鬧囉，但係出嚟都OK，我哋唔識教呀，唔代表我哋唔愛你，你知唔知呀？」
來自馬來西亞的沈宗賢唱《曲終人散》，他坦言上一段戀情對他傷害很深，他說：「佢係我好喜歡嘅一個女仔，佢為咗我同屋企人嘈交甚至反面，我當時係以唱歌維生，收入唔穩定，依家諗番起係辜負佢好多。我曾辭咗職放棄唱歌，但佢話已經太遲，叫我唔使放棄、繼續追尋我嘅夢想。」他唱到尾聲更忍不住爆喊。
愈唱愈強的顏米羔獻唱《時代曲》，他獻唱完畢後，婉婉說：「其實佢2日前失咗聲，佢喺社交平台問我有冇神醫幫佢醫番好把聲！」伍仲衡則說：「我想講一樣嘢，你成日都好爆，有爆炸力冇問題，但唔識收，你今日識收，係咪因為病病哋？你病病地有着數喎！」
（點新聞特約記者陳惠芳報道）
更多閱讀：
收藏
取消收藏
分享
稿件由上傳 · 文責自負 · 不代表本網立場
