【點新聞報道】樂壇天后梅艷芳今日(30日)逝世20周年，無綫將一連兩個星期六晚播出特別紀念節目，包括今晚的《永遠抱緊 梅艷芳》，而下周六（1月6日）播出的《永遠抱緊梅艷芳：巴西熱浪嘉年華》為AI修復版，與觀眾一起懷緬梅姐昔日的精彩演出。
《永遠抱緊 梅艷芳》精選了大量梅姐經典造型放入序幕，緊接其後的是梅姐昔日的一句感性話：「希望大家以後都記得有呢個人，梅艷芳。」她又自揭當年對「壞女孩」情有獨鍾：「但唔係好多人受落，因為化妝比較誇張啲，深紫色眼影同粗眼眉，有人覺得個樣好怪，但我覺得喺嗰陣時能夠帶動到一個潮流好難得。」
對多變形象有一份堅持的梅姐，生前與香港著名形象設計師劉培基份屬友好，節目剪輯了劉培基十年前談及梅姐人生中最重要兩件舞台服裝：「其實佢（喺最後一個個人演唱會）升上嚟時，你哋嘅拍掌同歡呼聲，對佢重要性好大。因為佢需要嗰份力量同支持，嗰時佢身體實在係好攰，所以好多謝你哋嗰八場嘅觀眾同報章對佢嘅讚美同支持，呢一份愛對佢嚟講非常重要。」最後劉培基還感性地說：「我劉培基一生人裏面只係做過一個形象設計，就係百變梅艷芳」，並分享阿梅如何以真情，令向來不愛哭的他亦忍不住落下男兒淚。
梅姐另一招牌是義氣仔女兼相識滿天下，當中張國榮形容這位好友:「姣靚正型，喺香港嚟講好有代表性！」另外節目亦剪輯了當年梅姐在節目中親口解釋「朋友的重要性」:「我新秀之後嗰年真係幾辛苦，因為啱啱搬出嚟，喺金錢上唔係咁可以照顧自己。嗰時我又唔識買餸又唔識煮飯，我啲朋友非常之好，買埋餸仲煮埋畀我食。有次好刻骨銘心嘅，有朋友打電話嚟叫我食飯，我話對唔住我啲車錢只夠搭出嚟，我唔夠錢返入嚟（返屋企） ,咁我朋友就話『我哋請你食飯吖』，我出到去佢唔單止請我食飯，仲畀咗啲零用錢我。點解我咁鍾意朋友，因為朋友影響我好大。」
（點新聞特約記者陳惠芳報道）
收藏
取消收藏
分享
