【點新聞報道】歌唱真人騷《中年好聲音2》，昨日（12月31日）除夕夜，播出一集是第七部曲《十八強故事之歌 年終淘汰賽！》下半場，經過一輪激戰，黃劍文和譚輝智同樣奪得87分，成為昨晚一集最高分兩位，上集獲得95分的安雅希則獲頒MVP。
黃劍文選唱《愛很簡單》身世可憐，沒有見過親生父親的他年幼時與母親關係生疏，一直由公公、婆婆和阿姨照顧長大，劍文說：「喺幾歲時阿媽再嫁，但後父唔想我嗌阿媽做阿媽，要嗌阿媽做阿姨，曾經因為嗌阿媽做阿媽，咁就做錯咗，從此我冇再喺呢個家庭出現，冇得再一齊去旅行。」劍文年幼時為了可以和媽媽親近一點，更試過淋雨令自己生病，他說：「因為病嘅時候就可以見到佢。」他長大後與媽媽感情變好，笑言：「放工之後會陪佢飲酒，嗰時係好Enjoy。」
可惜劍文26歲生日時媽媽卻自殺身亡，他說：「26歲生日時，生日前一日打電話同佢講，話多謝你咁多年照顧，同埋講我愛你，我就逼佢同我講番我愛你，當時佢都話我都愛你，但我好感恩有個咁嘅機會，佢離開咗我覺得我冇咗個遺憾，起碼同媽媽講咗一次我愛你。」媽媽離開之後，劍文曾有一段時間好失落，之後離開香港流浪4年，用音樂治療難過。
選唱《深深深》的譚輝智透露年輕時在外地讀寄宿學校，他說：「呢首12歲嗰時成日聽，喺宿舍會聽到喊，去到當地唔識講英文，變咗我就成日聽歌，呢首係其中一首最深刻嘅。」輝智深情演出最終獲得87分。至於MVP獎項落在上集獲得95分的安雅希手上，這次是她第二度獲得MVP，負責頒獎的張家誠說：「我都做咗音樂廿年喇，喺我手上可以拎到滿分嘅參賽者係極之少，今次好好彩又遇到，滿分對我嚟講係好大意義，唔止代表咗佢唱到歌，佢仲可以感動到人，同埋有自己（特色）同音樂感，今日呢位MVP全部都做到。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
