一直自誇工作能力超高嘅移英「黃師」、網名為「香港老師也移民」在網上發文話，遭到英國人同事「篤背脊」，插爆「英國人同事真係假X到hi！」，更形容係「倫敦職場的金枝慾孽」㖭。
早前在社交平台連番發文直踩英國人做嘢慢做嘢甩漏嘅移英「黃師」，今次就被人反將一軍。她表示，「英國人同事表面上同我好friend，成日同我攬攬！原來背後篤到我死！」
她自言為人比較直接簡單「唔鍾意你，一定會當面X7你」，插爆「英國人同事真係假X到hi！成日同我 small talk 套料扮好人！浪費我啲時間！」不過，她亦戴頭盔話「好彩我啲英國人朋友就好 nice」。
對於有網民指她鋒芒太露，勸要小心低調點，憤憤不平嘅移英「黃師」就話「我叻係我本事咋，唔會因為想討好人哋而特登做衰自己」、「我做呢行唔可以低調㗎，如果低調就做唔到我想做嘅嘢」喎。
更多閱讀：
收藏
取消收藏
分享
稿件由上傳 · 文責自負 · 不代表本網立場
