點新聞 ｜ 每日點新聞 點解香港事

【點新聞報道】炎明熹（Gigi）踏入2024年已可說「滿載而歸」，她在「新城勁爆頒獎典禮」獲得「勁爆女歌手」獎項，她的《Little Magic》更首度打入「叱咤樂壇流行榜頒獎典禮」的十大歌曲。與此同時，Gigi在《萬千星輝頒獎典禮2023》，憑劇集《新聞女王》主題曲《Crystal Clear》奪得「最佳電視歌曲」，還有「最具潛質新人」獎項，Gigi去年付出的努力，總算沒有白費。

Gigi表示：「好榮幸，好開心，好感恩，呢啲獎項會陪伴住我，亦都會成為一種支柱支撐住我，當見到呢啲獎項嘅時候，之前所有嘅唔開心都會一掃而空，令我覺得一切嘅付出都得到咗回報，俾我無限嘅動力，繼續勇往向前加油努力！亦都好多謝屋企人、朋友、老師、前輩同粉絲們對我嘅支持同陪伴，多謝你哋一直以來都咁愛錫我。今年希望可以有更加多唔同嘅『炎明熹』俾大家睇到，亦都希望大家喺新一年開開心心，身體健康，事事順利！」

Gigi早前抽空參與「炎明熹粉絲後援會」所舉辦的聚會，活動在屯門一個BBQ場舉行，當日Gigi與粉絲大玩遊戲，又主動跟現場五百位粉絲逐一合照，還親手送上由她親自設計並印有簽名的賀咭，另還有抽獎環節。難得與粉絲見面，Gigi感到十分興奮。

此外，對於未能到來fans，Gigi特地於社交媒體開直播，更首次在線上直播玩賽車遊戲。雖然她經常「炒車」，但就氹得粉絲很開心。

（點新聞特約記者陳惠芳報道）