中年好聲音2｜支嚳儀助安雅希獲91分　龍婷老貓燒鬚

【點新聞報道】歌唱真人騷《中年好聲音2》，21日晚播出一集是第八部曲第二回《中一生助陣人生之歌！爭入十四強！》上半場，經過一輪激戰，安雅希+支嚳儀勇奪91分成為最高分，沈宗賢+丁文俊則齊齊跌落危險區。

支嚳儀+安雅希以黑白雙煞Look上陣獻唱《如願》，一唱一和勁合拍，安雅希的唱功，加上支嚳儀的超強和音，最終兩人獲得91分佳績，伍仲衡更激罕給了19分，伍仲衡說：「《中年好聲音》兩季，我淨係畀過2次19分，第一次係總決賽畀咗吉吉，第二次就係畀咗你哋，如果淨係安雅希我會畀18分，你不得不畀一個好大嘅credit支嚳儀，佢嗰啲和音好好聽，同你Blend到好似白膠漿咁，黐到實一實，啲拍子係齊到無倫！」與伍仲衡撈亂骨頭的肥媽則笑言：「最緊要感動到呢件咁嘅嘢（指伍仲衡）嘛，呢件嘢係冇血性嘅你哋明唔明，但依家佢好有人情味。」場面搞笑。

今集感人故事是雅希談及兒時不理解父母賺錢養家難處，會埋怨父母丟下她不夠愛她，直到現在自己生了小朋友，才體會到做人父母甚艱難：「係直到我有咗小朋友，我先完全百分百理解佢哋，囡囡教識咗我愛係要講出嚟，我依家每日都同自己小朋友講我愛你，講出嚟人都會開心啲！」最後雅希在訪問中還邊哭邊寫信給天上的爸爸，場面感人。

今集出現激罕畫面，是身為實力唱將的龍婷在危險區出現。王玥與龍婷合唱《夢醒時分》，兩人將歌曲改編成搖滾鬧交版，伍仲衡說：「覺得王玥畀龍婷KO咗，因為你平時比較溫柔，Rock嘅態度唔係好夠。」張佳添說：「你哋想要有鬧交Feel，咁王玥要駁嘴嘛，感覺唔到你有駁嘴。」最終兩人獲得82分跌落危險區，主持婉婉即笑言：「龍婷你都有今日喇，哈哈！」直到最後一組沈宗賢+丁文俊獻唱《假使世界原來不像你預期》僅獲81分，龍婷才離開危險區。