中年好聲音2｜重拾大魔王本色　劉可獲李佳助攻回勇

【點新聞報道】歌唱真人騷《中年好聲音2》，本周日晚（28日）是第八部曲第二回《中一生助陣人生之歌！爭入十四強！》下半場，近幾集狀態低迷的劉可終於回勇。

是集劉可孖住「和音之鬼」李佳合唱《我是一隻小小鳥》，在李佳神助攻下，劉可重拾大魔王本色，整個演出充滿激情。兩人演唱完畢後，婉婉笑問李佳：「呢個仔難唔難湊？」李佳坦言：「其實真係唔知點同佢Connect，佢有自己嘅嘢，但亦都係有聽人講嘢，同埋真係有做到，你（劉可）要信自己，努力做最好嘅自己。」對於兩人演出，肥媽語重心長提點劉可：「你返嚟喇，你之前走咗好遠喎，有時太過分嘅態度會令人唔舒服，唔好畀好勝嘥咗自己機會。」

合唱《友共情》的古淖文和周吉佩，兩個大男孩在台上一唱一和默契十足，感染全場觀眾齊齊拍手，婉婉笑言：「感覺好年青，好似喺球場交緊波咁！」身為「古粉」的陳慧嫻再度化身小迷妹：「今日我又一次愛上你喇古淖文，你已經搣甩咗好多江湖味！」肥媽則說：「你同吉吉好似兄弟，感覺好正，感染到全場觀眾。」

黃劍文與魏嘉信同樣合拍，由於二人都是斯文Style，唱畢後獲婉婉笑言唱出了《Shall We Talk》禮貌版本。陳慧嫻說：「要讚劍文，你係屬於好有內涵，把聲好耐聽，每一次你都有新嘢畀到我，希望你之後有更多嘅你畀我睇到！」肥媽亦說：「劍文一路進步緊，呢首《Shall We Talk》唱晒啲心聲出嚟，聽得好舒服。」

（點新聞特約記者陳惠芳報道）