【點新聞報道】張衞健近日預告將同組合「BIG FOUR」成員梁漢文、蘇永康、許志安再度合體開騷，已經出道39年的他，近期就先到澳門舉行演唱會，昨日（25日）網上流出他綵排時由高空墮下的驚險意外，更令畫面曝光。
張衞健將在2月12日開騷，當中就有一幕他同一座白色鋼琴綁埋一齊，並懸吊半空中，當下正在綵排演唱會環節，張衞健邊彈鋼琴，同時亦邊同鋼琴順時針旋轉，突然成個鋼琴疑不堪負重突然下墜，張衞健被鋼琴壓在下方，身旁工作人員及拍攝者都立即停下手頭工作，上前關心他有否受傷，場面驚人。
張衞健事後向查詢傳媒表示已取消該表演環節，還報平安自己沒事。他中氣十足說:「冇事呀！冇事呀！大家放心！冇事呀！呢個係之前嘅綵排，已經取消咗喇，我依家個環節已經取消咗。放心，冇事冇事！（因為出意外所以取消？）呢個表演唔係因為太危險取消，我相信將來都會用番，不過要等啲零件到齊咗，到時先會再用，唔使急啦。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
